上個禮拜係屋企整既蛋糕~

係台灣買左d黑糖粉番黎~~當然要試下效果喇~

稱好晒d材料之後就開始整~

基本上同奶油蛋糕好似~不過佢奶油分量較少~粉量較多~

而且加左好多牛奶, so我歸類為瑪芬吧~

黑糖粉要過篩先可以同奶油一齊打, 因為粒子較粗~

but呢個過篩過程真係難為我對小手喇~

因為黑糖粉真係好難篩, 要狂用手壓~我覺得對手當堂粗糙左lor~

總算篩好左就開始如常步驟~直到送入焗爐~

部分既核桃我用左提子~我諗咬落會有d柔軟既感覺~應該都幾夾既~

焗既時候都幾香架~

出爐影張相就引唔住切黎試下~

d料真係好多~老師既配方都好大方~可能整俾自己食, 咁緊係料足d~

個蛋糕唔會好甜, 一開始仲擔心d黑糖會唔會太甜添~

和埋d合桃提子一齊食幾不錯~黑糖味都唔算好突出~

我爸仲以為係古古力蛋糕~

由於天氣熱, so我都雪左佢~第二日拎出黎切幾硬, 但回溫番就會變番一般質地~

都幾襟擺, 禮拜日整, 禮拜四先ko晒都仲ok~

呢個蛋糕感覺不錯, 第時得閒再整~

黑糖我都想試用係麵包度~

依家聖安娜有賣一種黑糖提子麵包, 等我都搵下有無receipe可以參考下先~

上圖就係台灣買番黎既黑糖粉(佢話有日本沖繩黑糖為原料之一,信佢一次喇~)

阿爸以為佢係古古力蛋糕~NONO~係黑糖呀!

P.S 可能由於粉既粉量較多, 食落同奶油蛋糕好唔似, 質地較黏~