WOW~cheese湧晒出黎喇~~

本來預想唔係整呢個麵包, 但係翻黎翻去又唔知整乜好,

後來諗諗下黎個新嘗試都唔錯~

跟住carol既配方減半既分量, 其實呢款麵包應該用直接法做都ok~

不過雪櫃有舊老麵團, 咁就加埋落去一齊打~~

唔知係咪老麵份量都佔左一大半, so個麵團打個陣無乜延展性,

又引致我害怕發唔起~~不過好彩第一次發酵完都好明顯有長大左~~so good~

今次我將佢擺係飯煲入面, 下面放一杯熱水, 用個架固定住, 個煲蓋有d蓋唔晒~

但都ok~發到一半我去摸下溫度都仲keep得幾好~仲明顯變大中~

發好就開始分割滾圓, 再休息15分鐘就整型~

每個麵團都po左一片cheese既份量,都幾多~再灑d香草, 捲成車輪狀,

我既車輪成日都爆開既~

跟住過15分鐘就壓扁佢~

其中一塊個車輪中心合得唔好, so中間一切就有部份斷開左~

so另一塊就小心d捏緊左中間先梗平佢~

然後就等佢最終發酵喇~

呢個moment出去飲個茶再番黎, 其實唔係話變大左好多,

不過好明顯厚身左唔少~

本來carol寫住話最後發酵係20分鐘左右, 但係我跟開老師既做法都係等佢發到兩倍大,

so都發左兩個半鐘先送入爐度焗~~

焗個陣就見到d芝士慢慢流出黎, 仲流左一大pat添~oh no~~

個麵包上色得幾快, 幾分鐘內就變深色lu~

差唔多就出爐, 即係食左一個~~

一咬落去就覺得麵團偏甜, 香草同cheese好夾, 但係cheese既味道唔夠濃~

下次應該用smoked cheese~煙燻既話應該會鹹d~或者用pizza cheese應該都好正~

可能係加左老麵既關係,麵包都算軟身~

另外我係烘焙紙下面墊多層錫紙, 費事下面好快燶~

明天早餐又有著落~

仲尋日既香蕉蛋糕~可以做下午茶^^