情人節甜甜蜜蜜溫馨幸福既日子又撞正大年初一,

俾阿媽話我新年流流整d酸既蛋糕, 緊係要整d甜架喇~

好吧~應節一下就整個六吋既古古力蛋糕~費事屋企無人食要自己獨食~

咁就真係情場失意, 減肥失敗~

呢個蛋糕比較特別係在於佢係戚風蛋糕但係用奶油蛋糕既方法黎做~

何解?

模具上會塗油撒粉, 令到烘焙時上升既蛋糕體無法貼附係蛋糕模上~

造成一個有腰身既蛋糕~但係我既蛋糕腰身唔係好明顯~

只係切面有少少分層既效果~唔知係咪蛋糕太細既關係呢~

下次試下焗個八吋既~

一開始又係熔左d古古力同鮮奶油再加牛油蛋黃咁~唔係好難~

跟住重點就係打蛋白要打到九分, 即係唔可以太堅挺又唔可以太稀~

因為打到十分發, 咁堅挺既狀態個蛋糕會裂開~

我有點緊張~都係打得挺少少~好怕一間消左落去仲衰~

ok就混合埋一齊再加麵粉~粉量真係好少呢~

跟住ok就倒模拎去焗~焗之前仲特登抹平少少~有d擔心佢會消泡好嚴重呢~

接著焗左30~35分鐘左右吧, 中途不斷觀察好怕佢會裂開€

因為裂開左就唔好睇~雖則可以用d糖粉同埋生果黎作裝飾~

不過今日咩都無係手~so都係想佢完整出爐就開心喇~

結果都ok不錯~無裂痕~不過我吉左兩個窿試熟成度~

都係灑d糖粉裝飾下, 費事好寡咁~呵~

未灑糖粉前~不算明顯的分層~表面有點皺皺~

烘烤既過程古古力味真係好香~

特登切成小件再用聖誕抽到既古典風小碗同埋小叉子黎裝~

咁樣食真係優雅好多~

情人節快樂!

happy valentine's day!

唔知38年後情人節又遇上年初一既時候, 我會變成點呢?