係情人節既前夕, 我整左呢個酸溜溜既蛋糕~~

receipe係參考carol大既blog, 佢既配方入面lemon汁係用到50g既~

但我真係怕酸, so修改為40g, 另外10g加埋落開水度~(心酸都唔想嘴巴都咁酸)

而且好奇怪配方入面無放泡打粉, 一般黎講戚風蛋糕係分蛋打發而且有加泡打架bo~

so自己加多四分之一小匙落去~本來仲諗住加少少鹽好似平時咁調下個味~

但考慮到今日個蛋糕偏酸, 當然有落糖喇~再落埋鹽怕d味道變怪~so都係give up~

接著就係一般既蛋黃, 蛋白盤分開搞~

係蛋黃盤個度, carol會分兩次加入lemon汁同過篩左既粉類~

但本人比較懶, 混合左lemon汁再倒晒d粉落去, 然後拌勻同擊碎粉粒就ok~

今日上色都幾快~

但係我唔敢蓋錫紙, 因為之前試過一蓋個蛋糕就會下縮~so我放任佢喇~但到中途真係要調低少少個溫度~

夠鐘又試探過熟成度, ok就拎出黎倒扣~涼左再脫模~

今日又脫得好樣衰添~

第一啖係試周邊既碎碎, 一食落去真係頗酸~唔係好慣~

接著切一舊試食, 入口個刻真係幾酸, 但吞落去就會係喉嚨feel到佢既甜味,

幾特別既一款蛋糕~蛋糕通常係偏甜, 但佢既酸味好突出~媽咪都接受到個酸度~

真係唔敢想像多10g lemon汁可能酸到食唔落~ 

下次可以考慮唔使再咁酸~

今次既準備功夫好多係磨檸檬皮同埋搾汁個度~其他part都還好~

聽日情人節早餐又有著落喇~

睇個近鏡, 都算幾細緻同埋好軟身呀~點解可以咁淋架~~