【２００４年５月３０日（星期日）】
你已經番左去兩日喇。
今日得我一個o係屋企，真係好悶，夜晚仲要食自己添～
下晝o個時問Ｄ　ｆｄ出唔出黎～但係又諗唔到野搞ｗｏｒ～
算ｌａ～都係唔出喇，悶死自己o係屋企啦～
一條友唔知做咩好～想搵你，但係你竟然唔o係我身邊～
得我一個人寂寞緊，需要你ｇｅ時候，
你係同成班朋友o係大陸玩緊，玩得好開心…
８點鐘出左去第一城，但出到黎罕有地唔係搵你，而係搵林嘉恩～
同佢食完野，去左公園仔度傾計～
咁o岩佢同佢條仔之間又係發生左Ｄ事～咁就大家一齊講啦～
唉…我真係唔知點好…我唔想再搵你，我唔想再咁拖落去喇～
你每一次番去我都會原諒你，但係你一次又一次係咁～
我會問自己：每一次你都唔識珍惜，點解我仲要比咁多次機會你？
唔好講話你應承左我好多次係最後一次番啦～
淨係講你話我考完試會番少Ｄ，陪我多Ｄ啦～你依然係做唔到囉～
每次你都令我失望，Ｄ失望一路咁累積落黎～
其實我就左你咁多次喇，一直好有耐性咁等，希望你改～
但你連少少改善都冇囉，仲變本加厲～
我真係到左一個忍無可忍ｇｅ地步喇～而且我亦都唔似以前喇～
之前你番左去我幾嬲都好，但我仍然會好掛住你～一定要打比你～
宜家？我成日唔打比你，你又冇一個電話打黎，我都冇咩感覺囉～
原因係我已經習慣左喇～加上掛住你都冇意思啦～
成日都係咁～我掛住你你會知咩？我掛緊你同時你都唔會掛我ｇａ啦～
我好傻呀…辛苦自己去比咁多次機會你，想你改～
不過…我好疑惑…你究竟值唔值得我咁做！？
你會覺得我唔比你番去玩就係我ｇｅ錯，仲話我係因為某個原因先咁～
我識你o個時你唔會番去，宜家你過份到一個禮拜多數時間都o係大陸～
成日都唔理我，唔搵我～我搵你就好似求你咁～
而且我根本唔仲意自己男朋友係一個成日出去蒲ｇｅ人～
如果我一識你係咁～我根本唔會同你一齊～
所以我唔比你番係有我ｇｅ理由ｇａ～因為我接受唔到囉～
之前我好信你ｇａ～我好信你番到去唔會做Ｄ咩～
但係我覺得自己太信你喇～我好驚比你呃呀～
你每次番去都有一大堆理由同我講～
其實你諗真Ｄ，咪又係出於你自己想番～
你唔想番根本冇人可以迫到你ｇａ～
你搵藉口同我解釋就係可以令你自己舒服Ｄ～個藉口其實係比你自己聽～
不過每次我都算，就算我知呢Ｄ係藉口，我都一樣會比機會你～
因為我愛你，我應該有耐性去等你，等你有一日玩厭，唔再番～
我真係唔知我要等到幾時呀～
即使次次鬧晒交咁～最後你都會番左去～你係咪唔重視我呢？
玩已經佔左第一位喇～我係冇可能比得上ｇａ～
我好唔捨得你，我唔想離開你～但係我清楚自己咁樣係好辛苦囉～
Ｄ　ｆｄ話見到我冇開心過囉～我問十個，十個都叫我放棄～
就算我Ｄ　ｆｄ幾唔支持，你唔會改住～
我知我會心軟，我依然想比機會你～而你就唔會珍惜呢Ｄ機會～
我咁做唔係必然ｇａ！你錯我唔係每次都要原諒你ｇａ～
如果我可以灑脫Ｄ就好喇～我寧願你同我講分手～
好過我自己o係度諗，而你每次番黎都哄番我，搞到我心軟～

我又再次比多個機會你～我最後都打左比你……
你話你今晚會番黎，又o係度哄我～ＯＫ，我等你電話。
電話中ｇｅ聲音變得好陌生呀…成日都搵唔到你…

你係咪負左一個人唔夠，要負多一個人先安樂呀？
究竟我o係你心目中算係咩呀？你仲愛唔愛我呢？
你從我角度諗o下得唔得呀！？
的確你真係一個好男朋友，不過係之前ｇｅ事～
你諗o下你宜家點對我？你成日番去，我會有咩感受？
你知道我比左好多次機會你ｇａ～你學o下珍惜得唔得呀？
我話比自己聽：呢個係我最後一次比你ｇｅ機會。
我唔會再好似以前咁～講左最後一次但係做唔到～
因為我已經好心淡囉～我唔想再拖落去令大家都辛苦～
因小失大係最容易令人後悔ｇａ～希望你唔會後悔啦！