真係想時間過得快d...好想可以快d上樓呀﹗好想有一個自己既家，唔想得一間房既活動空間。好彩我阿哥佢地住o係我附近，我可以過去佢地度傾下計...

等我媽果邊攪掂晒所有野之後，我就可以搵野做，返工搵錢，生活就會好好多~

我依家最開心既就係去我媽果邊對住個仔，一見到佢，我就好好好開心，佢可以令我咩都唔記得，對住佢，我真係唔想離開，好想攬住佢唔放，好想照顧下佢，但奈何呢段時間我一定要忍耐，好彩既就係佢o係我媽度，我放心好多，我媽照顧得佢好好，好多謝我媽...^3^

我個仔，太容易引到佢笑喇﹗佢一笑，我就 lum 晒，佢簡直係我既開心果，我既視線係離唔開佢架﹗見到佢，咁辛苦生佢出黎，係值得架﹗有左佢之後，我先感受到我媽當我地係寶果種感覺，未有霆b既時候，係知道阿媽愛我地，錫我地，但始終唔會感受到果種感覺，依家我係澈澈底底感受到，多謝阿媽一直對我地既愛護...^3^

霆b依家好攪笑，成日 "咩"人，"下"人，"嗯"人呀﹗一笑親呢，又張到個口籮咁大，最開心就係佢笑出聲果陣，真係好得意，每次見親佢，都唔知自己錫左佢幾多啖呀﹗哈哈哈哈~~~前幾日買左張連枱既bb櫈俾乖仔，喂佢食粥仔既時候，佢坐o係張bb櫈度，開心到佢係咁拍張枱，臭b勁鍾意張櫈，哈哈~~見到佢咁鍾意，我地都好開心。