2009年2月21日，重7磅4

o係夜晚1點，訓o係張床度，突然發現下面有野自己流出黎，但一d都唔痛，之後我就去廁所睇下啦﹗點知一睇，流得重犀利，咁我就叫醒老公同佢講<<我生得喇﹗>>佢好似唔多信我咁...係咁問我<<係咪真架？係咪真架？>>之後老公佢地就開始急喇﹗反而最定果個居然係我，我仲要叫佢地冷靜d，唔好咁緊張，但唔知點解，見到老公不知所措果個樣，覺得好開心^o^，佢真係好緊張，我第一次見佢咁樣架咋﹗由屋企，落去捷的士，到醫院，老公一路都係咁緊張，真係好想影低佢做紀念，不過依家佢個樣，佢既行為，我永遠都會記o係心入面。

去到醫院，老公就推左張輪椅我坐，再推我去產房，去到產房，d姑娘叫佢地o係出面等一陣，果時，我係好想老公一直o係我身邊架﹗但因為要檢查好晒我身體先可以俾老公入黎，到老公可以入黎果陣，老公又要等埋我媽佢地到先入黎搵我，果時我已經開始陣痛喇﹗勁想老公快d黎，過左陣，聽到佢把聲，放心左好多，之前隔5分鐘痛一次，之後一路縮短，又愈來愈痛，果種痛楚，簡直難以形容，我一路痛，一路捉住老公隻手，我都知老公好痛，但我真係冇辦法，縮短到每隔幾秒痛一次，又痛好耐，就叫老公叫姑娘過黎睇我，但果陣我開得果6,7度，仲未開始生得，我已經痛到癲左，捉住老公隻母指係咁fing，但老公仍然拎住止痛氣俾我聞，直至我係咁痛，冇停過之後，又叫老公叫姑娘過黎睇我，醫生姑娘睇完之後，話我可以生喇﹗第一下用力，見到個頭，老公都係度話<<見到個頭d頭髮喇﹗﹗>>之後第二次用力，出左成個頭喇﹗醫生就叫我停一停，唔好用力住，再到第三下用力，開始出個身喇﹗第四下用力，全身出晒，呢一下真係爽喇﹗舒服晒呀﹗到第五下用力，係出胎盤喇﹗之後個過程就係打麻醉藥連針，o係我連緊針既時候，姑娘就張阿b拎過黎俾我睇係男定女，同埋望一望個樣，老公就係咁影相，又影阿b，又影我，姑娘亦有幫我地影全家幅，阿b個樣勁似老公架﹗成個餅印咁。

整好晒，我就返病房喇﹗老公唔入得黎，所以佢都返屋企報喜lu﹗生完之後，我都冇乜點訓，過左無耐，姑娘走黎問我試唔試喂下人奶先，我緊係話好架﹗/.佢咬到我好痛。結果我喂左一日人奶之後，第二日開始我就喂奶粉喇﹗一來喂人奶bb太"痴"身，成日喊，成日要我抱，二來人奶又唔夠飽，每隔一兩個鐘就要喂，三來我病既時候又唔喂得佢，所以我放棄喂人奶。

o係醫院過左三日兩夜，已經學識喂奶，換片，返到屋企就唔會咁論盡啦﹗