11月2 日，3點就返左天水圍屋企同媽媽一齊，返到去，就同媽媽去左板橋食壽司，媽媽只係俾我食一舊我心愛既三文魚壽司咋﹗多一舊都唔俾，其他果d都係一定要熟既，但我見到迥轉路上面，有好多壽司我都好想食架﹗>.<~﹗食完之後，我地行左陣，去搵蛋糕買，本來想買聖安娜其中一個蛋糕架﹗因為前排同媽媽行街既時候，見到一個蛋糕好靚，好似好好味咁，但點知我地今日去諗住買既時候，個蛋糕俾人買左喇﹗咁唯有買其他啦﹗但其他果d又唔鍾意喎﹗咁我地就去左東海堂，點知都係冇岩心水既﹗我地再行多陣，就返屋企果邊既美心睇啦﹗又俾我地搵到一個幾得意既蛋糕喎﹗側邊一粒粒蛋白蛋糕，就係咁吸引左我。買完之後，去左m記等老豆，斌斌又岩岩先o係新蒲崗出發過黎，佢因為要幫佢個妹同佢阿媽去派帖，所以先咁晏過黎。等埋老豆過黎，我地再o係m記坐多陣，睇下雜誌，之後就上上面間酒樓食飯，坐低一陣斌斌都黎到 lu﹗我見到隔離枱有人食緊片皮鴨，好似好好味，所以我地都叫左碟，仲有幾個送。片皮鴨到喇﹗一d都唔好食...油淋淋，食完一舊已經唔想食第二舊，攪到我其他果d都好似食唔落咁，老豆就唔知做乜，係咁用包片皮鴨果d皮包其他送黎食，睇到佢咁食，我地都有d反胃....嘔﹗﹗﹗食到咁上下，d雞同鴨就打包返屋企，媽媽話第二日用黎煲湯好正喎﹗

  呢個就係媽媽買俾我既蛋糕喇﹗好好味~^o^

返屋企坐左陣，消化下，就切蛋糕喇﹗好開心呀﹗ ^3^~多謝媽媽~

11月3日，斌斌十分十分難得，12點幾1點就已經冇野做，可以收工喇﹗斌斌返到黎，話諗住同我返大陸行下食下飯，但兩個人返去又好似唔好玩，佢就叫我打俾豪，vicky同河馬佢地，叫埋佢地一齊返。我地第一度去既係，上水食左野先，因為bb郁我喇﹗佢肚餓，o係度抗議緊呀﹗斌斌同我地去左食好好味既鮮牛通粉，^.^我食左好多野..我食晒成碟鮮牛通+蛋治+紅豆冰，全部俾我攪掂晒，勁呀﹗食完之後，出發返大陸 lu﹗

 返到大陸，我地就搭的士去左東門行下，之後我地入左間賣bb衫既舖頭，買左好多好多bb衫，夾埋都有十幾件呀﹗都係$440咋﹗超平...河馬都話下個星期都上黎買，哈哈~

我地行到累喇﹗搵埋阿寶，阿寶就帶我地去食水煮魚，阿寶話行去要十分鐘到，雖然我地好累，但我地都係照行啦﹗但以我既步速，去到都果陣已經唔止十分鐘喇﹗哈哈~~個個都好累。到左坐低冇耐，第一個送緊係點我地想食既水煮魚啦﹗其他蝦呀﹗雞呀﹗涼伴青瓜同唔知咩白肉，除左蝦之外，樣樣都好好味﹗

嘻嘻~多謝老公...呢個生日好開心^o^﹗

 成個"殼"都係辣椒
    個個都食飽飽喇﹗

食飽之後，我地就搭的士去深圳搭火車返香港 lu﹗返到香港都差唔多10點，個個都好眼訓同好累，想快d返到屋企抖。

多謝老公、河馬、豪哥、嫂嫂同阿寶，陪我過呢個生日。^o^好開心呢﹗

中途發生左一件令人意想不到既事，更加冇人想發生既，嚇到我，返到屋企都仲係覺得非常之不安，個心好唔舒服.......誠心希望..無事..無事..無事..真係無事。