究竟我有阿b係岩定錯呢？生阿b出黎果一日，見到佢，我真係好開心架﹗覺得自己好幸福，但到左依家，問題愈黎愈多...o係我最需要人支持、安慰、明白同了解既時候，我既老公竟然係覺得我有問題，仲要話我既不是，我自問..我每一樣野都係為阿b..我唔覺得我有做錯，點解我老公要咁對我？我更加估唔到既係..我o係佢面前喊，佢都可以唔理，點解要咁對我？點解？我咁辛苦陀阿b陀左10個月，之後又咁辛苦生阿b出黎，但得來老公咁既對待，咁我可以點做？我仲可以依靠d乜野？湊阿b，已經令我精神壓力好大，仲要教埋佢阿媽點湊，但又教極都好似唔識咁，教完又教，教完又教，有好多野又要提好多次，提完又係唔記得，咁樣令我更加攰，更加抖唔到氣，咁樣，我點能夠放心將阿b俾佢媽湊呢？我真係好辛苦，點解老公唔明白我？點解佢唔識諗下我做阿媽既心情？陣係識叫我慢慢教，叫我放手俾佢媽湊，但依家個問題唔係我唔放，而係佢阿媽做唔到令人放心俾個b佢湊呀﹗我夠想可以舒舒服服咁坐月啦﹗我夠想有時夜晚可以訓下啦﹗我夠想平時可以放鬆d出下街，玩下啦﹗咁樣落去，我真係唔知我可以維持幾耐。