話說尋晚訓唔著,訓係張床亂諗野,所以有呢個topic ge 出現~~~~

如果我有二千萬,會點用呢??

有二千萬應該可以唔洗撈,係咪呢??原來唔得.................
首先,我一定會贖左翠景臺先,咁就無左五十~~~~
然後我一定會買富華,我ge dream house~~~~計埋裝修呢樣個樣,應該都唔過二百~~~~
之後就要買一間屋俾爸爸,想信四百幾呎ge單位爸爸都應該會滿意,再計埋俾佢可以安安樂樂養老,總數計五百應該有多無少~~~~
媽媽就真係估唔到佢會想點.........當然,最少我都會好似對爸爸咁對佢ge,即係至少無多五百~~~~
得返七百五十,咦??可以唔洗撈wor,普普通通都過到世~~~~
以上好完美,如果我打算成世單身...............
如果想要結婚生仔,咁以上ge一切就要變一變~~~~

爸爸媽媽唔變得~~~~
翠景要贖~~~~
淨低ge就唔可以亂黎~~~~養一個死小孩要三百,買好好睇睇ge屋都講緊四五百........即係話,唔可以唔撈......最多都係唔洗打工,點都係要做..................當然,唔買多間,繼續住翠景條算就唔同計法,但係爸爸一直都擔心我同姐會因為層樓出問題,雖然我同姐都知我地唔會,tao 都唔會,但係爸爸都擔心如果有個盲ge女仔肯同我結婚會有所影響,相信應該係受到媽媽影響,令爸爸有呢個擔心,不過我都承認一講到錢真係好多野話唔埋,所以如果能力許可ge我會避免左呢個可能ge出現.....即係話可能ge話翠景我想留返俾姐,咁樣計一計就即係得返一二百,唔做點得呢??

但其實條數係唔係咁計呢??我都唔知........反正我都無咩可能有二千萬,條數啱唔啱無咩所謂,都只係發下白日夢,只係有人問我你有幾錢你會退休,我個數一定唔知二千........咁即係話,我呢世都唔洗退休..............

ps1:面對現實,我絕對唔介意普普通通打份工就過一世,恕我唔係一個有大志ge人,我無諗過自己會發達,更加諗唔到點去令自己發達,反正我覺得做人ge野有得食有得住有得著,行得走得我已經好滿足~~~~
ps2:唔知點解呢排好多人問我係咪有意中人........重申一次,我ge感情生活一片空白~~~~老實講,我都好想有拖可以拍,奈何返八半放九半,唔好話拍拖,我想識多個人都唔得.........其實最想我有拖可以拍個個人就係我自己.............
ps3:無車票又怎去覓去路.............