16/7-1920

自從膠袋要收$0.5一個之後, 周街見到好多人都用環保袋~~ 以前去超市入貨一定B.Y.O.B, 宜家更加平時都要拎番個出街, 去到邊都唔拎膠袋....支持環保!! 平時就習慣拎個harrods出去.......但係收唔埋, 有陣時都幾唔方便, 所以就想買個收得埋落手袋環保袋。

之前去北海道買左幾個hello bb, 不過限量版又唔捨得用........估唔到kuromi都有出呀!! 二話不說就買左, 依個比較大, 而且質地唔算薄...所以都ok, 只係收埋就無咁細, 始終大袋嗎?? 雖則媽咪話60幾蚊買個環保袋好貴, 但係佢一邊話貴, 一邊話kuromi好靚......(可能真係黑色紫色)媽咪最愛啦!! 所以最後都話靚就買啦~~

侄仔拎左成績表, 今次考第四.......(媽咪好似好開心咁)~~ 身為姑姐都要支持下, 請佢食壽司......估唔到佢地二個年齡差成40幾50年, 都會為左一件壽司, 同一碟壽司嘈交.........(第三者既我真係o咀)~~ 幸好易嬲易笑..好快佢地又周圍去攪攪震.....侄仔又整古媽咪, 媽咪一叫佢又哈哈大笑~~

轉眼間依位永遠係我心目中既小朋友, 已經大個仔, 升F.3啦!! 望住佢一日一日成長, 就唸番BB個陣既佢........(佢同我感情最好)!! 可能由BB開始就一齊住......有份湊大佢架..........見到佢成績考得好都開心既.........

仲有一張一張成績表, 老師評語真係有贊無彈....唔睇唔知佢F.1係考第二架!! 仲以為佢考得好差添....事關無咩記性.....講左n次先記得佢讀邊間學校, f.幾, 幾多歲....依個問題係我必問架........

無辦法屋企成打小朋友.......邊記得幾多...有陣時連咩名都要唸一陣先記得架.......哈~~