13/11-1675

朝早未夠7點, 全身發冷, 周身無力+骨痛, 辛苦非常。
猛叫媽咪...不過一樣要撐起身, 搵藥食, 因為媽咪唔識搵藥.....
唔理係唔係空肚, 照食藥, 著左件厚衫, 攬住仔仔, 訓到出左身汗, 先有番d意識。 好耐未試過病到咁辛苦, 發高燒, 周身痛到唔識形容。

濛濃間電話響, 原來係老公打電話來, 當然要撒嬌一番啦~~ 傾完電話再訓番, 訓到中午爬起身, 食左碗粥......雖則有番意識, 但係個身仍然好累, 好暈.....極度唔想出去.......不過今日既節目又唔推得, 唯有撐住......

為左唔想暈係街, 搭完西鐵即轉的的, 整甲既時候, 累到唔想講野, 幸好尾段先好番一點。 今次將甲甲由黑色變白色, 360度大變身, 原因係要做姊妹....套甲最鍾意就係個一粒藍藍綠綠石, 襯白色真係好grand........(依粒石仲係自己選擇架)~~ ^^ 不過簡簡單單細石加埋都有50粒, 套甲折左都要300幾....有點肉痛........因為想整平平甲.......唔想再比錢開course~~ 講真咁既市道仲要一筆過拎3k出來開course, 真係有點兒那過....雖則老公無開聲, 但係都唔想.........如果次次200幾蚊就好啦, 咁......3000蚊就夠整足一年.....不過我唸.......都係妄想多~~