忽然想起自己很久沒有更新新聞台了,可能各位有睇過我新聞台既朋友已經唔記得左有呢個台既存在,不更新既原因係... 返工既時候集中唔倒精神,想不到話提來寫,有時想到了新話提,剛考又有事在忙,返到屋企那兩三個鍾頭的時間,又因要看電視,看書,沖涼,睇報紙,講電話而攪到無時間走去電腦裡打一打我的新聞台,有時間了電腦又有人在用.講開屋企部電腦,因為我細佬要用黎做功課,打機,睇巴士(佢係巴士迷),阿媽要黎打戲谷,睇木村,而我女朋友來了又會用黎打大航海,勁舞團,而我就咩到攪下咁囉!所以攪到部電話好似圖書館那些電腦咁,一有人用完起身就立即有第二個人坐埋去用,我覺得好攪笑,大家好似要爭住黎用咁,所以我諗住我去完 bangkok 之後一定要買電腦了.

講起去旅行,我都好多年沒有出門了,這兩三年都只是三次澳門,去左兩次汕頭,都算係有出過下外咁啦.今次有得坐飛機,真係幾興奮,去到泰國,我真係想悠悠閒閒咁行下街食下野咁渡過,以往去旅行,行程都係趕到頭都暈,走馬看花咁,帶住一個極疲累既身體返香港,第二日返工自不然無心機做野,做不到旅行沖電既效果,今次真係要好好咁沖電返黎再努力工作.

講起今次旅行前夕,其實都如以往一樣有問題,有壓力,第一樣就係錢啦!不過都算叫做解決倒了,第二樣就係我好擔心我外公既身體有問題,佢近期先發現了有癌症,而且唔太樂觀,雖然他已七十多歲,正所謂冇病都果倒近,不過都擔心,而且我唔想有其他野影響我既行程,話哂都應承了女朋友去旅行三年,如果今年都不成行,她會好失望,唔知點同佢交代好.

希望一切順利,可以過一個休閒,愉快冇壓力既假期