半年既藍帶課程係今日正式結束喇~

六月份開始, 十二月結束, 尤其高級班一個月完成, 真係走得好快~

仲記得初級個陣慒慒懂懂, 實作時又緊張又做得慢,

俾CHEF既大呼小叫嚇親, 仲有段時間好唔鍾意課堂, 覺得壓力好大,

考試前仲崩潰到喊~

到中級個人就定左, 當然速度都係比唔上同學仔,

但每個CAKE都有盡心且享受地完成了,

考試都有犧牲美好既假期待在家中乖乖練習,

成績出乎意料, 很感恩,很幸運~

到左高級既密集班, 先發現之前初級同中級真係好HEA,

密集班係一個禮拜可以完成5~6堂示範&實作,

最辛苦既莫過於係做ASSISTANT! 一日兩堂實作, 一放示範課即刻換衫衝去準備,

折騰左一個WEEK, 捱過去~接著經歷朱古力同拉糖~

其實高級班密集都唔係話好HEAVY,

當然係無咁輕鬆, 而好多同學都話幾鍾意咁密集添~哈~

今日收拾LOCKER個陣真係有D唔捨得,

之後唔知會唔會再有機會番黎呢個咁擠擁既地方~

完成了一個夢想,

接住落黎又要找尋新既夢, 追逐新目標,

目前最逼切當然係實習喇~~

其實心中都係偏愛Pierre Herme,

當聽到佢地1-2月唔收實習生, CHEF又奇妙地安排我去FAUCHON,

一開始真係接受唔到, 仲係屋企喊左好耐,

但其實諗番都係一個好既機會,

去邊都好, 最緊要學到野!!希望佢地禮拜一二快D打黎, 想快D約見面試, 簽到約感覺踏實好多!

當然希望我既法文能力都係可以溝通到~

暫時都係想留係巴黎, 可能太享受呢邊既自由&慢生活,

唔想番澳門面對現實~~

番澳門之後就真係要煩惱條路應該點樣再走落去~

暫時都係休息下,

實習一開始應該忙到癲~

趁有得抖就抖番夠本先~