好耐無整過Bagel喇!!

之前次次整都會有事故出既, 一係酵母唔發, 一係就整型散開, 一係就味道怪怪~

總之每次都有d怪野bell出黎~

不過今次真係整得幾滿意~

造型同味道都十分like!

可能之前用左牛奶去做?所以麵團較乾身且難塑型?都唔記得喇~太耐之前lu~

今次全部用水份去做~

麵團明顯軟身好多, 所以塑型個陣都好順利~

除左包提子個個有點蝦碌, 但焗好個陣都唔多覺~

bagel既材料好簡單, 麵粉, 糖, 鹽, 油, 水, 酵母~

之前仲以為d酵母又休眠......but今次又發得幾膨湃~^0^

有兩個包cheese, 一個包提子, 一個咩都無(之後搽果醬吧~)

咁就俾我宅左一日係屋企喇~

做麵包真係好hea時間, 不過bagel要炙燙, 所以省卻最終發酵個d時間~

反而係諗整咩好諗好耐........猶疑不決, 決而不行~

有d野唔做過係唔知道結果, 有時會係失敗空手而回, 但有時會喜出望外,

最重要係肯去試既個份決心~

人生中本來就有好多野係徒勞無功既~

那些年, 我未睇過原著小說, 電影整體既感覺我幾鐘意~

不枉排左成粒鐘, 仲要俾無公民意識既人雀巢鳩佔....

如果當初怎樣怎樣, 今日就會/唔會咁咁咁咁咁~

過左去既事只能係回憶中, 想像一切可以改變現狀既可能,

但其實即使真係做左, 今日都可能依然保持現狀,

只係無做過無試過, 總會留下遺憾~

錯過左就係錯過左, 男主角最後親吻新郎個幕, 可以感受到個份對愛情既堅持同執著~

眾望所歸既美滿幸福的大團圓結局並不在現實, 只存在平行時空~

所以, 幻想, 發夢好重要~不過要識醒~

仲要留番d氣力去對抗現實既柴米油鹽通脹失業樓價股市~

得閒我都要青春一下!!!