某日放工心血來潮去馬里奧買包當聽日早餐~

好鍾意呢間舖熱辣辣出爐既包包, 雖則我係擺到第二日先食~

但係見到麵包出爐都好吸引~~

於是我夾左個香腸包~當時個價錢牌唔知擺左係邊~但無所謂喇~

心諗香腸包維持左好耐係3.5, 之後升價到4.5好一陣子, 依家頂多咪5蚊,

於是都直接俾個5蚊俾收銀店員, 誰知, 佢停濟左, 接住5蚊既手仲係度,

跟住就話: 小姐, 6蚊呀!!!

我即刻拎多1蚊俾佢~~但我既入心真係o左嘴..................

依家真係通脹到咁, 猶記得當年小學雞食個香腸包都係2.5左右, 

但時隔咁多年, 佢已經double左.........救命~

明明香腸價錢唔係比以前貴好多, 麵粉, 糖,蛋都的確係漲價左既,

但都未去到double價錢吧~

為左對抗通脹, 我決定自己整香腸包!!!!

其實以前都整過既, 不過隔左好耐無整, 因為香腸包整型好麻煩~

對我黎講係一大難關咧.........

為左對抗通脹, 又做實驗喇~~

因為包香腸所以麵團要較為軟身同有彈性先好包, 如果唔係發酵後都係會bell番開...

so我用湯種法~

第一次係鮮奶湯種, 同主麵團都係鮮奶, 結果係慘不忍睹, 相都無影,

太upset喇~~全部都爆開晒.........其實第一次發好個陣都覺得麵團偏乾好難整型~

硬著頭皮做落去結果都係不出意料既........唉~

不過麵團係有佢既奶香味同埋嚼勁~如果係普通既圓型包饀應該唔會咁難堪~~

第二次係鮮奶湯種, 主麵團用水, 麵團比上次明顯軟身~~包起上黎無之前咁乾~

但係好難控制佢~雖則包到但發好後都係爆開, 係有一個好少少~

仲係掌握唔到竅門呀................help me!

前兩日慶祝聖誕都出左街, 係得今日宅係屋企休息下,

順便清下過期東東.....

本來淨係想整墨西哥堅果包包, 但係過期既南瓜子又唔係好夠整5個,

於是有兩個麵團用黎包淨下既香腸~

由於一開頭以墨西哥包包出發, so用左中種, 雪櫃無鮮奶又懶出去買~所以用水算吧~

係揉麵團時加入比平常多一點水份, 因為天氣較乾, 而且麵粉吸水性真係不錯,

如果就咁跟食譜做會好硬.......所以加多少少水, 令麵團較黏身且soft~

包香腸個陣真係好好包~~平時包2-3圈就無左, 今次可以包到3-4圈出黎~~so good!!

雖則包到有頭無尾咁, 但今次總算無爆開, 如果下次小心d就唔會~

中間再肥d, 兩邊可以再瘦d~呵~

實驗結果, 以後整香腸包要用中種法, 全部用水!!!

順便po埋墨西哥包出黎先,

今次個面既麵糊係用過期既中筋粉, 平時係高低粉混合, 今次用中筋粉做,

比意想中好咧!!

出爐無耐就食左半個, 塊皮好脆, 個包本身無乜味, 所以個皮既甜味同佢岩岩好~like!

希望個皮聽日唔會變淋喇~~

同一個麵團可以做唔同既東東~~

香腸包要先出爐, 可能佢比較高身少少~墨西哥包就要上色ok先出~

聽日食邊個好呢?