兩個禮拜前做既麵包!!

又係因為古古力豆要過期既關係, 於是參考歐克麵包入面既咖啡麵團,

再加入古古力豆, 其實唔知夾唔夾架, 純粹一試~

結果出到黎都幾不錯~~

但操作時古古力豆容易因手溫而略熔, so加入佢之後就唔可以揉太耐太用力喇~

烤個陣真係一整個好香~味道也不錯~

以下與麵包無關~

呢排實在係太忙太忙太忙太累太累~

一整個早出晚歸, 早起去做物治, 工作又極忙, 放工又要上堂,

每日每日都過得好快咁~

有種身心疲累既感覺咧~

今日終於結束左ift既第一科考試, 唔知考成點,

but真係好討厭澳門既交通~

平時放工佢點塞都無所謂, 但今日咁既日子竟然玩野~

我真係跑上ift跑到鞋都爛埋........幸好有好心既同學仔~給陌生的我兩張膠布~

抱歉同學仔, 我連你叫咩名都唔知, 個樣都不太記得~

感謝遇到好人!!

安慰左我考試後又累又餓又凍既心靈~

喜歡麵包既橫切面, 可以睇到氣孔同材料,

感覺就係酵母與手打既成果~

最近瘋狂地迷戀上一套韓劇, 秘密花園~

係j2台睇左幾集, 之後直接上網, 係兩日之內ko晒!!

依家每晚都繼續翻睇j2台!

真係一整套浪漫到不行既劇!!我又好想去韓國喇~~

男主角係玄彬, 之前聽講呢個人入伍好多fans送行, 咁大陣仗?!

睇完呢套劇就一整個明晒!!真係好想嫁俾佢!!

(內心邪惡地祈禱佢千祈唔好同宋慧喬復合呀!)

女主角係河智苑, 越睇越順眼, 仲好型, 可以感受到佢既魅力!!

下次北上真係要買套碟珍藏先得!!

接下來可以休息幾日~~

鬆一口氣~

呼~