唔經唔覺又唔小心咁荒廢左個新聞台好一陣子添~

蛋糕,麵包,小餅乾都有一直keep住做,但就無乜點po到出黎~

因為實在係太懶喇~~加上工作真係忙到想偷下閒都唔得~

最近真係好累好累, 總覺得有好多壓力唔知點應付,

唉~真係好需要一個旅行呀!

最近開始有一d目標, 一d諗法, 但仲未確實地去做,

夢想唔實踐就一直只是夢和想而已, 下定決心後又容易動搖,

人生真係唔容易~

係大腦翻滾打仗既時候, 做下蛋糕麵包比較安寧~一個禮拜就只有兩日可以咁做~

海苔肉鬆麵包

呢個包構思很好, 但做出黎既效果未如理想~

肉鬆都係切開夾入去會較豐盛, 但肉鬆又相對較乾, so要俾d  salad滋潤下~

好似我呢個做法, 將肉鬆包入去, 海苔粉加入麵團入面, 味道真係唔多融洽~無下次!!

cheese小酥餅

係睇carol既blog度學番黎既, 頗不錯, 厚粒粒咁, 好cute~味道都好香~

忍唔住一粒接一粒~

小巨蛋麵包

有d用剩既cream就用黎做巨蛋牛奶bread, 之前都做一大粒,

今次分成4粒, 都幾巨下架~而且今次用直接法, 無經冷藏,

第一次發酵麵團有點油油的, 嚇親左, 好驚焗個陣會出油, 咁個包就唔食得......

好彩焗個陣都唔怕~~都頗鬆軟架~~yummy!

雜糧麵包系列 

分別做左葡萄核桃, 雜糧葡萄, 果乾三款既雜糧麵包,

會連續幾個星期咁兇狠, 係因為麵粉要過期了.......

抱歉, 每次都拖到呢d地步先知死~~

仲要做多次就ko晒架喇~~加油!

做bread講究timing, 打得幾辛苦都好, timing miss左就無辦法,

下次同屋企人飲茶都係唔好整bread........唉~

全麥香蕉蛋糕

食唔出太勁既全麥味, 香蕉味道都唔算好突出, 因為香蕉份量唔多夠, 只有一條細既支持唔到

8吋蛋糕, 不過蔓越莓味道就好出位~

overall都算ok喇~~太耐無做戚風就會緊張, 好驚蛋白消泡之類的~

做蛋糕要果斷, 唔可以慢條斯理,

因為要同氣泡搏鬥~

蛋糕係短跑, 麵包係長跑~

天氣好熱, 整左d椰汁雪花糕, 蜂蜜奶凍~~so cool~~