好耐無整過古古力戚風蛋糕,

記得對上一次做係用GIRADILLI既朱古力粉,

點知整出黎無乜味, 實在有點失望~

不過今次又心血來潮買左包無糖可可粉,

係天氣凍既時候, 可可又係一種溫暖~SO不妨整個黎食~

加上爸爸喉嚨唔舒服, 整餅乾個D點心太熱氣,

整個軟綿綿既蛋糕應該較易入口~好的~~LET’S DO IT!

我係參考老師係蛋糕麵包入面寫既份量去做~

而且用燙麵法~

即係先加熱左牛奶同油, 再過篩入可可粉~~

再怕怕沖入蛋黃+糖~~拌勻先再篩麵粉~

藉住液體既熱力, SO麵粉無咁易結粒~~好容易就拌勻~

由於天氣沖個盤要降溫都好快~

接著就去打蛋白~~打到超堅挺~

發現自己好耐無整某一類既蛋糕再整番都會怕失手~

SO都幾小心翼翼, 好怕蛋白打唔夠實會消泡~

好彩都無乜問題~

拌勻好放入爐個陣暗罵一聲弱智,

竟然唔記得將個架放最下層,

即刻連架帶盤移動番~~關上烤箱門~覺得自己好機警~哈~

出爐倒扣放涼再脫模~

飲完茶番黎即刻食左件~~

唔算係好濃既古古力味~~不過比上次好好多~

不過脫模個陣脫得有點樣衰~哈~

蛋糕成為左好幾日既下午茶~~SO GOOD~

回家既路上寒風凜凜, 食住蛋糕有種懷念既味道,

好似細個食既紙包蛋糕咁~感覺好滿足~