呢個蛋糕又係超耐之前整既, 估計應該係新年前後吧~

最近真係勁懶, 拖左咁耐先po出黎~

本來想話係公司偷偷打blog,

不過最近真係忙到癲左~~完全無時間停落黎~

一波未平一波又起, 感覺只能說越忙越見鬼~~唉~~幾時先可以清閒番d~

會做呢個蛋糕又係因為係書店翻老師既蛋糕book時記下來~

用腦記會差咁少少材料, so原本蛋黃盤個度漏左既糖都自己補番落去~

而呢個戚風蛋糕有別於平時做開個種,

就係佢用無鹽奶油~而唔係液體狀既沙拉油~

首先蛋黃盤既材料要先隔水加熱熔化, 不過cream cheese感覺好難溶~

狂搞左好耐~ok再放涼倒入蛋黃同過篩入麵粉, 步驟同老師既相反左~

因為我怕加入麵粉再加蛋黃拌勻會出筋~

接著打發埋蛋白就混合埋一齊~

由得佢係焗爐度呆喇~~一邊焗慢慢聞到cheese既香味~

出爐倒扣之後就出左去飲茶~

飲完再番黎脫模食~

芝士味好香, but食落唔係好濃~

就咁食好似一般既蛋糕咁~

最得人驚既係屋企人食唔出係芝士味~

咁証明cheese既味道可能真係淡左d~

按壓落去果然無平時既戚風蛋糕咁鬆軟, 比較結實~

食落又唔會覺得硬, 比奶油蛋糕既質感輕盈d~

好似介乎係戚風蛋糕同奶油蛋糕中間咁~

原來老師既配方入面有話要雪兩個鐘再食會更好~

我無留意到~呵~