1月18日會讓我想起某人的生日~呵~

以前中學個陣好迷D明星野, 仲洗左唔少錢, 依家大個左就唔會LU~

就算鐘意個明星都係買佢既唱片, 去演唱會支持下就好~

唔需要時時刻刻每日每夜追住佢既行蹤新聞咁CRAZY~

自從上次整個CAKE淨低既CREAM CHEESE一直都未消晒,

適逢天氣轉冷真係好想食D暖烘烘既麵包OR蛋糕~

講到暖, 會諗起古古力, CHEESE, 奶油, 總之就係高熱量~越凍對熱量既渴求越高~

睇黎減肥之路係冬天要停滯一下~

好鐘意哈斯麵團, 只用高粉, 加入蛋黃, 同較平時多少少既牛油~

麵團做出黎好鬆軟~就算擺左幾日烘番熱都仲係鬆軟既~

簡直係溫暖左我寒冷既身驅同心靈~

用湯種方法做都好方便, 算係節省時間~又可減緩麵團老化~

打好麵團就基礎發酵一小時, 呢段時間煮個午餐, 食埋, 然後再整個CHEESE餡,

不過天氣太凍, SO個CHEESE要稍微係熱水上面加熱, 等佢唔好咁杰身~

再加入糖同蛋, 仲有自家製橙皮^^

好快就拌好, 如果怕太軟身仲可以掉入雪櫃結實下~

接著就係分割排氣滾圓, 再休息15分鐘就可以包餡~

今次包餡都算幾成功, 一個都無爆, 實在要感恩~平時包親都爆一兩個……..

CREAM CHEESE真係夠朋友~愛死你~

之後最終發酵, 放杯熱水係鑊度, 預計發2個半鐘(天氣凍丫嘛)

呢段時間我上一陣網再出去跑個步番黎~

BUT麵團仲未夠大, 天氣真係太凍…….SO加多D水煮熱, 熄火, 再焗住麵團發多半粒鐘左右就差不多喇~

同埋我又趕住要出去打邊爐, SO點都係要照焗~

好彩麵團入爐無耐又脹大~顏色都幾平均, 好怕唔熟SO焗多幾分鐘先出爐~

一出爐忍唔住食左大半個~~超好味~~

包包同CREAM CHEESE都熱呼呼的~~LOVE IT!!!

又做左三日早餐~~呵~

焗番熱就變鬆軟, 天氣凍就咁擺室溫都無問題~SO GOOD!