突然覺得二零一一年一月十一日呢個日子幾好,

係文件上面簽名縮寫成11.1.11, 超好記~

再打開FB見到有中學同學今日拉埋天窗~真係可喜可賀~

如是者, 結婚幾多年都好, 結婚紀念日都好易記~

我諗今年十一月十一日會仲正, 縮寫成11.11.11,

錯過左呢日, 就要到明年二零一二年十二月十二日, 即係12.12.12,

打後既年都難以記得咁爽LU~除非活到百幾歲做埋人瑞喇~

雖然今日做唔到我既結婚紀念日, 但都想搵D野紀念下~

偷食紀念日不錯~

明明決心要減肥, 但中午忍唔住食左粒橙, 岩岩又忍唔住食左幾口蛋糕~

點解咁凍天時………….仲要減肥咁辛苦~~> <

報紙度話小豬一個月內瘦左6KG, 救命~~佢真係好勁!捱住餓去跑步!

我好似佢咁應該會俾風吹落水塘…………..(身如柳絮隨風飄~)

巨蛋牛奶麵包, 對上一次整失敗後就一直無再做LU~

可能最近天氣凍就開始懷念~~又再手痕地動手做做~點知今次都係一包三折………..

話說難得放工七點左右到家就開始動手, 打到八點多就差不多~

用冷藏發酵既方式可以擺到第二日先至焗~

SO第二日媽咪放工叫佢拎定出黎攤下先~

番到家再同佢鬆弛下排氣, 就等最後發酵~

焗個陣先發現自己唔記得放係低層, SO個包包上色都幾快, 溫度都要調低番~

大約焗左30分鐘左右就出爐放涼~

切開個邊食個陣覺得好好味呀~~個奶味濃郁到不得了!

再切開諗住FOR第二日早餐~點知……

竟然唔熟!SHIT!!俾佢咁純真個樣呃左.........

結果一個巨蛋, 蛋心大部分都唔熟~即使再焗都係唔會熟架~~唉~~

掉左好多真係好傷心~~

淨番一小部分作為第二日早餐, 一邊食個陣都覺得真係好好味架~~

SO決定再做一次!

應該係31號個日再打麵團, 因為個日早放工~第二日又元旦可以焗黎食~

今次焗就焗得好小心!記得放番係下層~

差唔多焗左35分鐘就開始刺洞,

一般做麵包唔會好似蛋糕咁去戳佢,

但呢個包太大又太蠱惑~SO一定要嚴厲D對佢!中途有同佢PO下錫紙等佢唔好上色咁深~

確定熟成晒先出爐, 都焗左差不多45-50分鐘~

今次切開就確定熟喇~只有一小部分地方可能戳到佢SO無熟到~

不過今次既味道無上次記憶中咁濃郁~~

我諗會唔會係牛奶既問題呢~上次係用鮮牛奶, 今次用既金牌奶, 會唔會脂肪濃渡無咁勁呢~

不過個味道淡既話都可以搽D果醬一齊食~SO GOOD!

內心有一個角落死心不息~

SO今次再用牛奶做多次!!

相同步驟, 焗左50分鐘~完全無PO錫紙, 但有不斷轉下個烤盤, 等D溫度均勻~

成品一切開黎食都有令人感動既MOMENT~

其實每次做出個味道都有少少唔同, 呢次做既好香好鬆軟, 但無第一次唔熟個種濃郁既FEEL~好想做番個種味道出黎~

第二朝焗番熱做早餐, 放係枱面想上下MSN先, 但因為麵包太香忍唔住咬幾口先開始呢個MORNING~

我諗之後都會想繼續做呢個麵包, 但唔會做咁大個LU,

始終咁大個烤箱太細既話, 表層易燶變硬所以要剝走好多~好浪費咁~

下次做小巨蛋就可以成個吞噬喇~~呵呵~~