上年聖誕做左PENETONNE聖誕麵包, 今年就試下德國既史多倫麵包喇~

猶記得上年揉D牛油落個麵團揉到手都軟,

真係一年先可以做一次咁高油量既面色~

今年又再接再厲喇~

其實材料都十分相似, 都係加入左葡萄乾, 紅莓乾, 橙皮同埋杏脯~用一D BRANDY浸下更香~

同樣係加入左大量既牛油同埋用冷藏發酵既方式~

係打麵團既時候, 當加入越黎越多既牛油個麵團就越黎越軟身咁~

打得好舒服咁~哈~

打成團再混合果乾~

之後就雪入雪櫃, 明天再戰~

有時覺得呢種方法幾好, 雖然要分散黎做,

但感覺唔使好急進~打完就由得佢自己發~

第二日拎番佢出黎回復室溫, 因為天氣較凍, SO都攤左一兩粒鐘佢先稍為軟化左~

係壓D氣泡既時候幾乎FEEL到唔到D氣, 其實有點擔心會唔會酵母死掉...........

係整型時發現佢太大~直放唔得, SO要打對角線咁斜放黎擺~

之後放係烤盤發多粒鐘再摸下麵團都幾軟身, 應該唔怕酵母死~

預熱烤箱就拎入去焗~

入左去無耐佢就發起來~膨大左D~

唔知係咪奶油量多, SO上色都幾快~同埋下次真係要放下一層, 如果唔係好容易燶掉個頂~

一出爐就要搽D牛油再灑D糖粉~一整個超有聖誕落雪FEEL~

忍唔住切左片黎食~

WOW~~超好味呀!!

外脆內軟加埋果乾好香~

之後食會硬番少少~BUT都仲KEEP住好好味~

肥死我吧~~

一般歐式麵包或者甜麵團既牛油量係15-25G左右, 呢個包入面有80G係牛油~

再加埋果乾既熱量~真係超有營養~

難怪係外國話可以擺好耐既麵包~

而且係外國超市都會賣呢種麵包應下節~都幾不錯~一大個可以飽足一個聖誕LU~

做左兩日既早餐~又同阿爸分享左~

下年再來吧~

冷藏發酵同平時既湯種或者中種麵團好唔同,

D氣孔有大有細咁~幾鐘意佢~

剛出爐好似個大嘴笑住咁~好得意~

我覺得燶左少少, 不過一加個糖粉就掩蓋左~但食個陣都係會剝走D燶既費事太熱氣喇~

Merry Christmas!