呢個包包又係上禮拜六整既~

一個人在家無聊而又可以打發時間既最佳方法真係整麵包~

前一晚就計劃用雪櫃入面個兩舊蕃薯(地瓜)黎整下麵包~

禮拜六短週唔使番工真係好幸福, 都因為咁手腳好慢咁做~

麵團係用湯種法, 哈斯麵團只用蛋黃, 同埋牛油量較多, 麵包會更加鬆軟香口~

做好湯種又開始一輪甩打MODE~

今次手感打起黎都不錯~但總係令人擔心會偏乾~BUT加左牛油之後就好好多~

打到差唔多就由得佢發~

我再煮中午麵食同整埋個蕃薯餡~

講下個餡, 我覺得下次我會減少D牛油既量~

因為個包本身有牛油香味再加埋D餡都咁牛油罪惡感會好大~呵~

跟住就係分割排氣滾圓再休息下~

接著就係包餡~呢個真係我既死穴~

第一個又失手左…….跟住放左佢落個紙杯入面~掩飾錯誤~

跟住其他四個入面有一個爆左餡~一出爐就俾我食左~唔俾人見到佢~呵~

好彩淨番個D都幾靚仔~

呢個麵包都幾不錯~下次用D新鮮既蕃薯去整~雪櫃個D無咁好味同埋顏色無咁靚~

因為有蕃薯SO我阿媽都幫手食左個, BUT佢唔鍾意將蕃薯放係入面~

咁得閒都要創新下架嘛!

又做左兩日既早餐~SO GOOD!

紙杯杯個個雖然包餡失敗, 但都仲幾好味~下次包唔掂都放入紙杯先~呵~