+個名真係水蛇咁長~~

呢個係上上禮拜整架喇~一直無時間打BLOG拖到依家~

最近瘋狂地愛上肉桂~我諗係肉桂俾我一種溫暖既感覺~

天氣轉涼就想整一D WARM 又軟既東東~SO好耐無整歐式麵包添~

呢個係參考之前既葡萄捲, 不過加左蜂蜜~

最近都係用緊日本既麵包粉去整, 都幾好操作, BUT今次真係唔知點解麵團有點乾><

可能係加左老麵既關係影響左成個配方~下次唔加可能效果會好D~

今次都係用湯種法~整好湯種再打麵團~

手打真係幾累, 不過係幾好既發洩~

有咁大力甩咁大力~可以感受到麵團既生命力~

不過今日麵團較乾, SO甩得無咁盡興~哈~

甩好就等佢發1粒鐘, 之後再指定動作排氣滾圓塑形~

塑形都幾隨性, 桿開左之後隨自己鍾意灑糖同肉桂粉~我都唔記得自己灑左幾多~哈~

之後再捲起來~基本上我捲得幾雞手鴨腳咁~再切開六份~

放左係個細烤盤發酵, 等佢地好似癡頭芒咁發埋一齊~

差唔多發到兩倍大就拎去焗~

通常我既一頭一尾都爆開左~技術不足~哈~

入爐前係有六個, 一出爐仲未影相已食左一個~

一出爐仲要擦D蜜糖水咁~等佢甜甜地又有光澤~

想買枝楓糖漿黎整呀~用楓糖整一定超好味!

看一個近鏡~~SAY CHEESE!

第二日心血來潮又整肉鬆捲~

最近馬里奧都有賣一個紫菜肉鬆捲~BUT我未試過~

今次有包多D肉鬆架喇~同埋蛋糕體分量減少左~反正個烤盤太細~

想換個SIZE好D既盤添~始終蛋糕體太厚又唔夠長~

吸取左上次教訓, 今次脫模有醒DD架喇~

仲要, 要趁熱撕張紙, 如果唔係個表面就唔靚架喇~(老師本書講既)

離三十捲仲有一條好漫長既路, SO仲未有心得可以分享~

BUT真係唔易捲!