真係計劃趕不上變化, 又會揀中個咁既好日~

旅行先黎打風, 勁無奈.........唉~希望一切順利喇~

呢個麵包係上個禮拜日整既~

又係度煮蘋果~1個APPLE~加左1/4小匙再多D既肉桂粉~好香好正又唔會好濃烈~

出面食肉桂類既東東都覺得肉桂味太勁到最後會膩~

自己整自己調可以控制到份量都幾不錯~

呢個包包係來自聖安娜既~有一次食過聖安娜新推出既呢款包~

個味道係幾搭, 不過佢既內餡係醬, 蘋果同提子既份量唔係好多~

SO自己整緊係可以重手D~哈~滿滿既蘋果同提子~~SO GOOD!

整左個餡就開始麵團, 都係用湯種另加一舊老麵一齊打~

係解凍老麵時想話坐熱佢, 點知太熱, 真係好驚佢會就咁死左..........

好彩加埋落去打都發得起無咩事~真係嚇死~

包餡個陣有特別小心, 先桿平, 將料放係中間, 再用好似十字既方法對掐緊~

佢發好個陣我見底部有流左少少醬, 我以為又爆開得好嚴重添~

點知焗好再睇下發現都係流左好少,

終於明白點解出面賣呢個包要加個紙模, 真係要提防佢爆餡~

不過我既餡本身醬唔係好多~都係果肉為主~哈~

一啖咬落去真係好正!

做左兩日既早餐~

顏色都焗得幾靚~

150度C焗大約20分鐘~中間會轉下盤咁等佢上色均勻D~