呢個包係上個禮拜六超累既一日，朝早８點番到２點再番家整，

一直到夜晚食完飯８點左右焗好再出去番工，真係成日都無停過～

ＳＯ一番到屋企就攤屍左～涼都唔沖～

 今次個芝士火腿包同上次個個唔同～

用中種法做，麵團入面用左高筋雜糧麵粉而且不含蛋～

高筋雜糧麵粉係台灣買番黎既，澳門要買既話真係唔知邊度有，有都應該幾貴～

台灣買都算便宜又大碗～得閒番台灣都要買下麵粉～

講番正題，中種整好，等佢發既時間仲可以整個麵黎食～

差唔多稱好Ｄ野又啟動甩打ＭＯＤＥ～

今次我無另外再加老麵，就咁跟足食譜整～

份量少左之餘都易打左好多～隻手無咁累～

同埋縮短左打麵團既時間～都幾不錯～

差唔多就等佢中間發酵再排氣滾圓整型～

今次包既係火腿同芝士皆切成條狀～

芝士係用Mozzarella cheese, 即係披薩用既cheese~務求達到流出來既感覺~

上次用既chedder cheese 都唔係好熔, 視覺上唔係好滿足~

對今次既CHEESE寄予厚望!

最後發酵個陣無乜點理, 見差唔多時間望下佢! OH~發好喇~焗LU~

趕快影個相就切舊~

切個陣已經覺得點解麵包可以咁鬆軟既!

切開一刻~~WOW~WOW~WOW~

要流出黎喇~

剛出爐既佢仲呈現流質狀態~即影即食~

Mozzarella!!SOSOSOSOSO GOOD!

Forget carolies!

三個麵包做左三日早餐~

超滿足^^