唉~又到左每兩個禮拜既禮拜六朝早~

真係好討厭呢種長短週既感覺~勁唔想番工..............

無奈都仲係要爬起身...........妖~

SO今日我打算唔會點做野~ONLY HEA~但要HEA四個鐘都不是易事~

打網誌係最好既消磨~

查實自從老細自己調左去另一個SHIFT, 我就自由得多~想搞咩都得~

如果個PT唔番工既話, 我會直接開花樣男子睇!

講番呢個捲蛋糕係上禮拜既作品, 無拿拿挑起條筋好想用下上次係台灣買既海苔粉,

不過捲蛋糕真係自己在家第一次做~

SO有點樣衰請勿見怪~

同埋無預到個烤盤比以前老師上堂用既來得窄身同深, SO個蛋糕體好肥!

捲又捲得唔係好~哈~算吧~味道至上!

蛋糕體既做法都係戚風蛋糕, 個盤太細SO仲有淨我整多左兩個杯子蛋糕~

查實個蛋糕就咁食都幾好味~

出爐放涼左就可以塗上沙拉醬~再放上肉鬆~之後就可以捲起黎~雪佢一陣定下型就食得~

我覺得個沙拉醬真係幾好味, 係卡夫KRAFT既奇妙醬~

同埋D肉鬆一齊食真係無得彈~

婷婷既評價係幾好味, BUT肉鬆多D會更好~我都係咁諗~個蛋糕體太肥D肉鬆唔夠多既就無咁好味~呵~下次要DOUBLE肉鬆!

阿爸都有食左都話覺得幾不錯~

呵~~我自己都好鍾意呀~

個肉鬆我係買林真香既紫菜肉鬆, 仲有芝麻係入面, 同老師個陣用既差唔多~正!

不過脫紙個陣仲有D皮黏左係度~背面有點難看~

下次要再改進改進~

學老師話齋, 捲蛋糕呢D~你捲到三十卷以上就會有心得~這是第一次~

First Roll~