呢個係上禮拜六整既~

本來係無乜目標想整D咩包, 後來突然翻翻下老師本書見到呢個包,

佢既造型同以前好好味既WE CARE惟客爾既葉子麵包一樣~

香料既麵團唔係第一次整~今次仲加左橄欖油落去~

用直接法做, 我有加埋舊老麵團落去打~

都好快成團而且唔會好黏, 呢個麵包既含水量比平時真係多左成倍~

最近天氣一整個悶熱, 對麵包係好事,

對人就真係唔多好, 一住打麵團打到汗流夾背~成身濕晒~

好彩呢個麵團都幾聽話~

打好左就可以等佢發酵~

發好左再分割滾圓整型, 一個大約135克左右~

整型好搞笑~唔係好識梗成橢圓型~再切割開整一個個小洞口~

我已經有好努力咁整開佢地, BUT發起個團佢地有D都係閉左口~

總括而言, 佢地個樣好邪惡咁~哈哈~

第一次整都尚算滿意喇~

我參考左CAROL既方法, 係入爐前同出爐後掃上一層橄欖油係表面~

SO個麵團食落會有淡淡的橄欖香味同埋唔怕烤完會好乾~

一出爐已無左一個~淨番個個第二日都KO左一半~

尋日阿爸問我~乜你焗既麵包無晒喇~

係呀~唔敢焗咁多~怕食唔晒~同埋麵包呢D擺多一兩日都係會老化變硬唔好食~

SO焗完都係頭2,3日好快D食晒佢~

好多時朝早番工都會遇到一個賓賓, 佢成日都會問我HOW ARE YOU~

敷衍D咪答佢GOOD~

但其實真係唔多GOOD~

番工總係令我意志消沈~

明明好多野要做又好唔想做~時間過去左但D野又未做好真係好懊惱~

唉~

What am I doing?