禮拜五晚搜羅第二日整野既材料~見到香蕉就好想整下野食~

記得CAROL有個香蕉牛奶麵包既配方都幾想試下~

SO原本諗住買幾隻香蕉, 點知阿姨話D蕉咁熟要成梳喇~6.5有6隻, 我覺得都幾抵~

但其實整呢四個包, 1隻就夠了~哈~

另外留番兩隻整香蕉蛋糕, 仲有一半俾屋企人食左~

買香蕉真係唔怕無人食!

講番呢個包先, 用直接法做既, 其實好怕會太硬, BUT成品都OK, 擺到第二日食都唔怕好乾~

但呢個包打起上黎真係幾煩, 因為香蕉既關係吧, SO麵團都幾黏手,

仲要係黏好耐~

同埋呢個包無加到牛油或者沙拉油, 缺少左油分就更黏~

一住打又要磨番痴係手上既屑屑~真係好煩~

同埋因為香蕉既關係, 個包會慢慢變灰紫色咁~唔係平時白雪雪既~

哈~~香蕉真係氧化得好快~

呢個打完就等佢發, 再整型發到兩倍大就焗得~

SO重點係捱過甩打既黏手, 其實整型都黏~其他就一切還好~

我既橄欖造型真係有待改善, 有個好似水滴型咁真係好搞笑~

焗之前係青面界開再擺D牛油, 接著灑少少糖粉拎去焗~

一住焗個香蕉味都幾香~

不過個低部就焗燶左D, SO我個個都批走個低先食~哈~

食落香蕉味唔算好濃, 我已經比配方加多左香蕉, 屋企人食唔出係咩味~

我只能說係淡淡的蕉香~我覺得呢個包算係新嘗試, 就算係包舖都唔會見到香蕉麵包~

組織都不錯靚~同埋剛焗好表面脆脆地幾好味~

我係桃子買左包全麥粉, 下次試下整全麥麵包先~