禮拜六睇報紙見到新八佰伴有個美國食物展~好有興趣去望望~

禮拜日就同寶貝&豬豬一齊去喇~

一上到supermarket見到藍莓16.8一盒真係好抵,

媽咪係街市買都要14蚊, 仲要size細粒d無咁靚~八佰伴個d真係又靚又抵買~

同埋買左d車厘子~都幾大粒~同埋可以俾人逐粒揀~

原來係街市係唔可以架~

媽咪仲話你見到表面好靚~但你買個陣d阿姨都係俾d側面麻麻地個d俾你架咋~

好似八佰伴咁有得揀, 貴少少都抵既~同埋感覺真係大粒d~

係找數個陣我已經望到呢包薯片,

得番一包!

呢包薯片真係勾起好多美國既回憶~

每日番工有break time, 一番bunhouse, 煮麵又好, 訓覺又好, 我實食幾塊呢個薯片~

係咪好好味~我又唔可以話好誇張~

只能講係普通原味薯片~

但真係食得好開心~同埋忍唔住會食好多~

當初會買都係因為99cent好抵咁~點知一試難忘~

我記得仲有拎去美國迪士尼食~

佢另外仲有一款係dip波浪型既~但我鍾意呢款多d~同埋見到呢款得一包~

真係忍唔住要懷緬一下~

係澳門買可以話係美國價錢既兩倍~but值得既!

我真係好想番美國hea下逃避現實~

睇到facebook既相真係好有衝動咧~

個心好似俾一d重量壓住,

好想即刻飛番去~

short notice無所謂, 唔要bonus無所謂, 我就係唔撈, 我就係唔做~

我要理性d~冷靜d~

I want to touch your head!

今日有點小lucky, so心情舒暢左好多~

三十歲既我會變成點呢?

可能都係同寶貝豬豬佢地睇下家電~原來睇家電真係幾耗時間~但很好逛~

前兩日我心情好down, 覺得做人好累好辛苦~

寶貝話做人係唔容易架~不過都唔可以咁易放棄~你唔好玩自殘呀!

放心, 我先唔自殘, 忍受唔到身上有去唔到既疤~

人生真係一日唔放棄, 一日都有驚喜~

希望可以一直keep住咁optimistic!