我諗我真係幾鍾意葡萄同合核既結合~

咩包都係咁換湯不換藥~哈~

今次係用黑糖~又係一次突發其想~禮拜日本來想去八佰伴逛下~

點知~飲完茶就落超大雨!於是都係返家, 突然就想整麵包~想試下D新野~

就跟住老師本書做湯種麵團, 入面既25g砂糖就改為10g, 另外再加多18g黑糖~

我覺得下次可以試下5g砂糖, 再加20g黑糖, 或者咁樣黑糖風味更勁~哈~

用黑糖去做感覺較黏手~不過湯種本身都係黏d~

so都要好有心機慢慢揉~又要打黎打去~整麵包真係幾大運動量~

個心口同額頭都會標汗................

接著加左牛油就會好好多~

起初都擔心會唔發, but好彩基礎發酵都ok不錯~之後就排氣滾圓再整形~

d步驟做得多都差唔多慣左~同埋呢個整型唔係包餡個d都唔會好難~

最重要係d葡萄唔好係面, 要包係入面, 如果唔係烤完會乾硬化~

之後就等佢發喇~

由於當晚我又急趕要去同事wedding party, so發好之後焗左一陣都係等屋企人幫手焗埋佢,

番黎就再下成果如何~呵~

都幾不錯~雖則wedding食到好飽都忍唔住試左少少~

我諗我阿媽都真係幾有心機去睇爐, 仲要怕上色太深而po張錫紙~so個色出到黎都幾靚~

阿爸食左都覺得個包幾不錯~

我都有拎左個做早餐~很好~不過黑糖味唔係好突出~下次真係要加多d先得~

個樣真係有d似出面賣個d~哈~

切開都見得下人架!哈~