今次呢個水果塔真係搞左好耐~

本來禮拜六已經整好左個塔皮~~

但係點知, 個卡士達餡CUSTARD CREAM失敗左呀!!

本來覺得應該都唔難整既, 點知D粉一篩落去就出事~~結晒粒咁~~SHIT!

之後再一直攪佢都仲係結左好多粉粒~

唉~~超無奈, 越搞越黏, D粉粒都係搞唔散~~心知不妙~~

等佢放涼D都再試個味真係唔多掂~同埋質感同顏色好奇怪~

唯有拋棄佢喇~~心情鬱悶~~

諗左好耐, 反覆檢討係邊度出左問題, 仲上埋網睇下人地有無遇到差唔多咁既情況~

都發現有人既做法同MISS既唔一樣~係煮沸左牛奶再加落蛋黃度再過篩再煮~

BUT我覺得都係要按老師教既試多次~

同埋D粉要篩快D~仲有, 可能一開始D奶同蛋黃煮得溫度未夠,

SO第二次再煮個陣, 我特登留意住加熱到旁邊有小泡泡冒出先篩粉入去,

仲要篩到一半即刻搞下佢先, 再繼續篩~過程真的頗緊張又貓手狗腳咁~哈~

不過今次明顯無結好多粉粒, 同埋色澤都幾不錯~

放涼再擺入雪櫃, 要用個陣就用鮮奶油開稀番~~

一開始好懷疑鮮奶油使唔使打發, 查實係唔使~~不過我怕一次過加100G落去調太多~

SO我先加30G, 試味, 再加20G再試味, 再加30G再試味~大約加到80G就覺得味道OK~

唔怕太甜都唔怕太膩~同埋個濃度都唔錯~

之後就開始塔皮部分~~我覺得自己對於梗麵團既技倆都算好左少少~

超碼要知道要郁佢, 轉佢, 下低要補粉, 支棍都要補下咁先唔怕黏~

我量過模型直徑係三吋, SO我用三吋圓模扣型~BUT推完按壓完多出既部份要再切除~

烤前

烤後

呢次係我第一次整塔皮~

塔皮一入爐就會縮, 原本入爐前係貼邊, 之後就跌左落去咁~

之後又會再膨脹番~但係咁樣呢度個塔皮厚同埋好淺, 放唔到好多料~

經專業既塔皮人肥欣教路: 佢話睇我幅相就知我無壓緊個塔皮~(我真係覺得自己壓緊左!)

同埋個塔皮過厚, 下次要再梗薄D先得, 過厚都好過薄到穿既~

塔皮原來大有學問, 真係要多加努力~雖然係過厚, 都整左9個,

IF薄D可能整到十幾個~老師個份量話係做到15個左右, 我用一半份量做都係7,8個姐,

再薄D真係可以整好多~哈~

不過由於個塔皮唔夠深, SO 卡士達餡都係擠得唔多, 又要擺埋生果~

D餡最尾淨番都幾多~~

靈機一觸, 叫阿爸買個軟包, 同埋當餡夾麵包都好!!

又做左一日既早餐, 呢個Custard Cream 真係幾好用, 又幾好味!!正~~

我唔夠敢整泡芙, 因為要煮又會彈油, 同埋要高溫烤, 個烤箱一高溫度門就好難開!好危險咁!

IF有日真係烤泡芙既話, 再整呢個CREAM, 一定超正!

總括而言, 呢個塔都幾好味既!!有時間有心機再整~~

今日我既心超想整: 芝麻奶酪!!!  敬請期待~~