上個禮拜去上法文堂之前特登行去烘焙材料店入下貨,

結果買左兩支酒辦而已~不過第一次買左橙酒~咁就要試下~

同埋好耐未整過餅乾~試下無妨~

呢款餅乾叫葛雷多香柚餅~最特別既地方係要連埋個模型一齊烤~

因為佢加左泡打粉, 唔同模型一齊烤既話會變型~~

我記得當日老師教我整呢個餅既時候就覺得好好味~~好香又唔怕好膩~

混合好麵團之後就去雪櫃雪下, 之後梗完麵團CUT好個型再劃幾條線之後又雪下~

雪硬左再塗D蛋液套番個模型就可以去烤~

其實正常應該係5CM左右大細, 不過我屋企無咁多同SIZE既模~SO個個餅SIZE都唔一樣架~

仲有花型同星型添~SO GOOD~

不過烤個陣都係會有D上色深D, 有D淺D~我發現佢一上色就勁快~下次要再注意~

一食落去真係超鬆化呀!

不過偶爾D柚皮會烤得太乾會突然食到硬物咁~要小心~哈~

其實烤個陣柚味好香, 但食落柚味唔算好明顯~

雖則熱量好高, 但一個早餐我鯨吞左3塊喇~

走入正題,

尋晚我開始PACK D行李,

記得對上一次咁樣踎係個GIP前面係上年既7月底, 去美國既時候,

事隔左大半年有多, 再一次飛行, 目的地是大阪京都, 而唔係美國,

感到有點不自在但又無乜心機去執, 六日既旅程其實唔需要帶好多野,

加上日本應有盡有, 到時再買都無乜問題~

但係我就執左個幾鐘都未執完咁, 仲唔知有無遺漏左D乜~

行程交通個D全部掉晒俾肥欣去PLAN, 其實我無太多意見,

我諗佢應該熟讀晒所有資料, 但我基本上係一無所知~

如果我自己一個去一定無咁放肆~

不過肥欣PLAN好晒實在太感動~