今年既生日其實之前都無乜諗到要點過~

應該都係平平淡淡過過日子~

不過朋友們都好貼心的說~

吃吃飯聊聊天的感覺很好~~雖然我內心其實都想唱下k發洩下,

不過傾計咩都吹下仲開心~

生日係一個超正當又大晒既理由讓大家聚在一起~

禮拜五, 生日既前一日, 聖心同學仔們一齊去食上海菜,

都幾不錯, 仲點左一大碟醉雞, 五個女仔都拆晒, 超勁~

仲有個高力豆沙, 我都係鍾意叫佢高力士, 好得意既甜點~連隻叉都好cute~

今年其實好想食超傳統既水果蛋糕,

好耐未食過, 以前屋企人慶祝都係食水果蛋糕或者栗子蛋糕~

而聖心同學仔就準備左另一個超經典既黑森林蛋糕~好好味哦~有點脆脆的~

不過食得多都係會膩~小食好滋味~so sweet >3<

經典招牌動作!

今日突然黎個五星飯局, 仲諗住同屋企人過添~

尋晚我就整定個啤梨先~今朝就焗夾層既蛋糕~之後再整慕絲~

不過慕絲量唔多夠~so個面有少少梨遮唔到~

唉~有點沮喪~整得咁核突~不過都無計喇~之後連圍邊都無心機整lu~

用左聖安娜既懶懶熊碟黎盛住, 感覺好cute~

今日解決左一d拖左好耐既事~了結左之後個人都舒服晒~

今日失去既他日可以賺回來, 沒什麼大不了的,

唔使再擔心個電話會幾時突然響起, 一切都心安理得~

可能係睇左阿牛送俾我本書吧~(睇左一半), 做人真係要豁達一點~

今日既五星飯局係我一直好想try既墨西哥菜, 超期待~

係皇朝既tacos, 個名都係墨西哥招牌菜,

d既招呼好好, 態度不錯, 雖然個waitress好努力咁解說, 但真係聽唔明,

佢好推薦fondoue既野, 聽唔明 ....不過睇到圖就明好多~原來係石頭燒牛扒~

原本驚佢好大舊, but5個人share其實差唔多~仲有專人即席幫你燒架~

一開始唔夠熟會邊切邊流血~

最欣賞係佢既nachos, 有四種sources, 都好好味~

個綠飯都有種特別既味, 我係美國都未食過~

至於雞槌就有點辣,但好惹味~

倩停恭祝我24歲生日, 個刻, 我先有種感覺我真係24了~

今日同昨日己不同, 我要長大了~

下年就變四捨五入既中女,

我要抓緊呢一年既青春,

過去的讓他過去, 我想好好迎接未來~

我好鍾意溏心風暴既鍾嘉欣角色個名,常在心~

有些人, 有些事, 常在我心