本來上個禮拜失敗左都無乜心機再掂呢個蛋糕,

但今朝早起身又無拿拿想掟起心肝再整一次,

其實某程度想逃避民署既考試, 唔想溫習, so又拎d野出黎解凍, 準備好晒就開始,

對於油水分離呢part真係好擔心~唔知今次食唔食到咁多~

而我都不斷提醒自己要有耐性d, 慢慢打, 唔好急~

so一開始都幾順利咁既~

係中途唔小心打翻左一半既蛋液, 就好急咁即刻加番個蛋黃同一d蛋白(約30g)落去補鑊,

真係勁shit, 又更加緊張~真係好擔心會油水分離~but好彩無事~

但其實咁樣整左出黎都會有d心虛, 始終唔知道自己整出黎既分量岩唔岩~

唉~~奶油蛋糕真係新手既一個小關卡~

打好d蛋同奶油就好雞手鴨腳咁加埋麵粉, 果乾同一點水分落去, 混合好就倒模去焗~

全程都係好緊湊又好緊張, 我feel到自己有d手震添~真係無用~

好彩焗個陣都見到無乜事, 只係周邊有少少油泡, 無乜影響~

都好順利咁焗好左~出爐再係表面掃左一d白蘭地, 即刻"咋"一聲~正

之後出去考民署個無聊試, 我諗若果做足準備去考應該唔會好難,

但好似我咁求求其其馬馬虎虎既真係要入政府工都難~唉~

算吧~隨遇而安~成日安慰自己家下分工有餐飽飯食都幾好~

之後一個人去行街~~有點lonely~好free既~

番屋企就即刻試下個cake, 外層似係餅乾feel, 有點脆硬,

咬到入面就同之前好唔同~唔會好硬, 真係紮實既feel同埋好多料係度~

果然成功左既係幾好味~

媽咪同阿哥都有食~評價都不錯~真係安慰了一下~

不過都係唔可以講自己呢個係成功左, 因為個蛋既分量真係好唔確定,

同埋今次黎講可以話係用左三個蛋黃, 再加蛋白咁~

其實咁樣操作起黎比起兩隻蛋黃+蛋白容易左~

因為蛋黃係好好人~咩都同佢夾到~亦都減低左油水分離既危機~感謝蛋黃~

蛋白你同我醒醒定定呀! 唔准蝦我呀!