呢個真係影響左我大半日心情既蛋糕,

又係一款奶油蛋糕, 好耐無整, 今次又失敗左~

唉~真係唔想再整~再唔係就買定D乳化劑見勢色唔掂就加落去~費事晒左D材料~

奶油放軟左, 蛋又係室溫既~

BUT都係油水分離左, 真係好佩服老師可以食到咁多蛋落去~

我食到三分之二就覺得D料好濕, 仲好懷疑食唔食到, 只係硬著頭皮咁打埋落去,

我諗我真係道行未夠高, 仲未可以好準確咁控制到打蛋既技巧,

要點樣分次, 而且佢依然可以畫到紋路, 就令人更加費煞思量~

真係一款難搞既蛋糕~

不過佢係新手入門必學既蛋糕, SO一定要令自己PASS~

係加粉落去既時候就見到有D油冒出黎~SHIT~

雖然表面係吸收左, 加埋D莓同核桃落去, 同埋一點點冰牛奶,

看似無乜事, BUT其實一焗就知中招~

油水分離既蛋糕係焗個陣係一直咁冒油出黎,

情況似係炸蛋糕而唔係焗,

SO出黎既成品炸到收乾咁~

因為心情俾佢影響得太差, SO我嬲到要切舊拖鞋麵包黎下下火,

其實係想食D甜野令心情好D~下次應該食古古力~

焗完拎出黎就掉低佢出街嘆茶食飯~暫時忘記呢件事~

飲完茶阿爸有問個蛋糕點, 我話焗好左, 不過失敗既,

佢就話屢敗屢戰喇~

都係既~唔應該咁易放棄, 不過成日整到好難食都唔係辦法~

夜晚番去見到個蛋糕又唔知點處置~不過點都要試食一舊既~

其實食落都幾好味, D莓果仲好好味, 同埋核桃好香口,

如果成功既話呢款蛋糕應該幾正~

第二朝切左好大舊俾阿爸拎番公司食, 佢仲夠請埋D同事添~

點知佢D同事都話覺得幾好味,

不過係硬左D~

真係太感激佢地喇~下次要整D好野俾佢地食先得~難得失敗都咁捧場,

雖則可能係客套話, BUT總算有人幫手清下都幾開心~

好似之前咁, 失敗個D我都直接俾垃圾筒食晒~

我自己都帶左兩片, 放工係巴士度食, 蛋糕體真係太硬, 但D莓好好味,

SO我盡力食晒D莓~拎住一袋失敗既硬蛋糕, 好希望下次可以係成功既~