Panettone 潘娜朵妮聖誕麵包
今年聖誕要向高難度挑戰~
唔記得左係點樣得知呢個麵包, 後來係老師既blog都有見到,
不過我今次整都係參考carol大的食譜整出黎,
係我第一次用湯種同埋冷藏發酵而成既~
尋日一早起身就整個湯種, 跟住開始打麵團, 分量都幾大, 同埋牛油量好多,
so我真係揉左差唔多兩粒半鐘先有薄膜狀出黎,
真係好累, carol既食譜已經係減左牛油既分量, if加到去80g既話,
我諗我要揉三個鐘都未掂, 真係手都斷~
呢款麵包真係一年整一次好喇~
抱持住咁既諗法, so今次真係只許成功, 不許失敗!
打好麵團就放入盒度, 表面拍少少水, 放入雪櫃,
我有特登留少少位俾佢, 唔算密封, but後來媽咪幫我密封左, 應該都無差既~
我放入雪櫃無奈開黎睇下, 摸到個盒既底部有d熱!
oh!一定係酵母既作用, 同埋我揉左咁多粒鐘既結果~
so無奈已經見到佢有發起既跡象~不時偷睇又偷聞下~好香既麵粉味同埋果香~正!
到夜晚我就開始計, 都雪左差唔多十個鐘, 查實會唔會話雪太耐唔好呢~
but carol既做法係放隔夜咁~so我照由得佢~雖則有點擔心會過發~臨訓前再拍d水係表面等佢唔會乾左~
第二朝起身又係去廁所順便拎出黎解凍, 再係床典一陣就動工~
首先稱下佢成714g咁重~wow~我之前都係做過300~400g左右, 估唔到今次咁巨大~
又基於杯杯既大細, 權衡之下決定整9個, 每個大約78~80g左右~
分割排氣再滾圓就可以放入去~拍少少水係面度~
接著又擺係焗爐入面, 擺d熱水就成為自制既發酵箱喇~不過要經常換水~
食譜上係發多60mins左右等佢到8,9分滿, but我大約發左1個半鐘先到呢個level,
接著就塗蛋液~準備送入焗爐~
參考老師既blog, 佢係會剪開表面, 再放粒小牛油係上面~
so我有一半既麵包試用呢個方法~應該牛油味會更香~
接著就焗左差唔多22~25mins吧~中間有轉過一次方向, 同埋係旁邊既無咁易熟,
so到最後仲要移下佢地既位置添~仲要小心佢地上色唔好太深咁~
出爐喇!! so good! 先倒轉放涼←係唔知睇邊個網頁既小秘訣~
好有聖誕氣氛呢~~湯種麵團真係特別軟熟d~同中種的確有差~
不過組織睇落麻麻地, 唔係十分之靚~但第一次做又係手打, 我都幾滿意~
同埋食落真係好鬆軟, 個麵團唔怕好甜, 係食到果乾就會有甜味~
牛油味無想像中咁濃, 難道要放涼左d味先湧出黎~
今次媽咪同阿哥都覺得幾唔錯~落足料丫嘛~
其實可以再落多d添架!哈~
基於佢係高油高糖分, 獨食易肥, 緊係要將佢送俾各位一齊分享卡路里既喜悅~
merry christmas!!
特別感謝肥欣手作既髮飾~今朝紮住佢黎焗麵包架~
尋日肥欣話佢要向其他方面發展下, 睇黎我成日整蛋糕麵包都係時候整下pie, tart個d,
一直都無乜決心挑戰個d方面, 因為對牛油既操作技術唔係好有信心,
另外好似慕絲類唔算好難既蛋糕我都好少整, 因為雪櫃一直保持常滿狀態~
容不下一個蛋糕, 真係無奈~再諗諗計先~
再回頭看看入爐前既佢地~
聖誕麵包有德國既stollen同埋意大利既panettone,
兩款其實內裏好相似~
都係高牛油量同埋好多水果乾~造型就比較唔同~
我鐘意panettone個名同埋佢背後既故事~
相傳係來自米蘭, 某次一個好大既皇親國戚宴會上面, 一個廚師既甜點失敗左, toni就將佢重新製作, 加入奶油, 水果乾一大堆既~結果呢款又似麵包又似蛋糕既成品受到國王讚賞, 就叫佢做"pan de toni", 意指tone既麵包, 傳到落黎就叫做panettone~
真係無心之失既傑作~great!
好似好好味咁AR~~
仲有聖誕杯杯~真係有心思~HOHO