前陣子突然好懷念台灣既we care惟客爾, 記得當年佢突然倒閉實在令我好傷心,

之後既布列德bread同佢真係無得比~

我鍾意we care既一款堅果麵包同埋香草葉子麵包,

好想回味下~拖到今時今日我先黎試做下個款令人好懷念既堅果麵包~

麵包底我係用番上次既菠蘿麵包一模一樣,都係用中種法,

不過今次好搞笑, 我原本係想禮拜日整架, 但個日俾屋企人拉出去飲茶又睇牙,

so個夠中種我放左係室溫發酵左半粒鐘就放入雪櫃冷藏左n粒鐘,

後來搞到太夜又無整到就將佢冷凍起黎, 其實都唔sure夠中種會唔會瓜左.....

but今日一朝早去廁所順便拎佢出黎解凍,

我再訓多兩粒鐘起身, 佢就解晒凍喇~時間夾得岩岩好~

接著就開始量好d野, 甩打既過程真係好累, but係可以feel到d酵母係活既,

個麵團會有d氣泡, 揉搓既過程可以好專心, 淨係專注係舊麵團,

都搞左成1個半鐘夠麵團先ok~

跟住就基礎發酵, 分割滾圓整型, 指定動作咁~放埋佢入爐度等, 放杯熱水等佢發到兩倍大~

呢段時間就出去lunch下再番黎~

跟住可以開始整下墨西哥包麵糊, 就咁用手動攪拌機真係會有點累, but好快就成團~

比想像中黏稠好多, 我仲以為會稀少少~跟住裝入膠袋度~

先放好南瓜子, po滿個包既表面, 然後擠d麵糊係表面, 有d雞手鴨腳咁~

but總算ok左~就即刻送入爐~

估唔到d麵糊唔使3分鐘就熔化晒流落黎, 效果幾不錯咁~

20分鐘就ok可以出爐喇~

影完相即刻試食~

南瓜子烤完好香, 麵糊有d甜~不過麵包既奶油味無上次菠蘿麵包咁重~

難得今次媽咪同阿哥都有食~

我食左四分三個, 好好味呀~阿媽食四分之一, 佢話今次算幾好味, 好過之前個d好多~

之前個d好硬食唔到~~咁歐式麵包係硬d架嘛~邊有呢個甜麵團咁軟~

阿哥食左成個, 佢把衰口都話ok, 咁都算幾不錯, 不過佢話我入面有地方係空心既有呃錢之嫌!

哈哈~~出面d包都係咁架喇~好味才是皇道~熱辣辣超正呀~

雖然都係比唔上當年惟客爾既出品, 不過可以懷緬下也滿不錯~

今次個麵包係加水既, 都係用牛奶香d~

整包可以無左半日, 真係整得幾爽~留番個做早餐先~

平安夜整下麵包也挺不錯~

聖誕節好想挑戰下stollen, panettone呢d聖誕麵包呀~