今時今日先同大家講講我禮拜日既傑作~

伯爵茶戚風蛋糕

番黎澳門第一次做戚風蛋糕, 之前一直都做緊海綿類既,

其實戚風蛋糕同分蛋海綿既做法係一模一樣, 不過前者有加泡打粉~

咁由於加左泡打粉, 個蛋糕會向上膨脹,

So一般焗戚風既時候都會用中空模, 等佢中間可以有空間攀升同埋快d熟~

But我仲未買到, 但又膽粗粗地想試做~

就用住普通蛋糕模喇~

伯爵茶葉先用牛奶泡熱, 焗下佢先出到d味~

But我第一次唔小心倒翻, so焗左兩次,

我覺得焗出黎既香味無之前用既荔枝紅茶咁濃, 係淡淡既香味同埋好細小既茶葉,

坦白講, 我比較鐘意茶味濃d既~呵~

But照做無誤~搞完蛋黃再打蛋白~混合埋就可以送入焗爐~

差唔多焗成40分鐘都有, 火力維持係150-160之間, 以免佢上色太快太深~

中途蓋張錫紙係面, 仲走去沖個涼洗埋頭出黎(請唔好學我~^^)

敷住個mask時間就差唔多, 用竹籤試探下佢, 咁就出爐喇~

出爐見到佢係裂開晒既, 都好正常, so翻面影相~靚晒!

出爐敲一下佢, 再倒扣, 等佢放涼先脫模~成個過程都唔會好艱巨~

試吃左一件, 我覺得戚風既口感介乎係全蛋海綿同分蛋海綿之間,

佢無全蛋海綿咁大彈性, 但又無分蛋海綿咁軟趴趴,

我都幾鐘意呢種feel~易入口但又有飽足感~

茶味唔算好濃, 只能說是回甘, 因為係食當下無乜茶葉feel, 但吞左落去會覺得口腔入面有茶葉味道,

我可以話係因為靚茶葉既關係嘛?

其實唔知靚唔靚, 係ift上堂時攞既~呵~

但感覺挺高級, 我有留番個包裝, maybe第時買番呢款都好~

突然覺得自己都係整緊d基本蛋糕體,

夏天到了, 係時候加d慕斯落去做下組合~

整蛋糕黎消磨宅女的時間, 真的挺不錯!