誓估唔到，阿君係個咁大食嘅人……準確啲講，應該係好中意食嘢至啱。
話說學校要建新校舍，公佈個校園設計方案出嚟，好俾大家睇下。點知睇完段片，阿君就話唔想去嗰度住宿，佢話係慘過人間煉獄咁話。
神棍聽度就好奇佢點解咁講，阿君竟然話：「嗰度連個超級市場都冇，又離條大路山旮旯咁遠，叫人食嗰啲咁難食嘅食堂飯咩！我要投訴啊！真係好鬼激！」神棍聽完，真係學阿君成日話齋：「暈~」
又話說阿Po帶咗嚿濕紙巾嚟，驟眼望去，+Min仲以為：「哈，我仲以為係尿片添！」
「計我話衛生巾似啲~」神棍插嘴。
阿君突然講咗句又教人暈嘅說話：「乜唔係餅乾嚟嘅咩……」
又又話說啊，英文堂要演Play（戲劇），大班點神棍做組長，咁於是神棍就搵人去做劇中角色。神棍諗住阿君做「安拿（owner）」應該都唔會差去邊，就嗌阿君做。阿君聽咗乍型唔肯做。
「做喇！」神棍話。
「唔做，都冇嘢食嘅。如果做亨利有牛扒食又唔同……」
食牛扒？牛扒就有得佢做。
又又又話說，老師問阿君當你有一百萬磅嘅時候，你有咩願望。
「……我要買好多好多嘅雪糕食！！！」阿君話。
以下語言將轉做麗音 粵語/國語
「將來可以的話，我希望開間雪糕店。」阿君說。
「那有什麼賣？」神棍問。
「有雪糕、「蕩糕」賣呀！」阿君回答。
「那有沒有糖賣？」
「有啊，有「花生痰」……很多很多。」
神棍聽到笑個不停：「哈哈……那有沒有波棒糖？」
「「波辦痰」？有啊，什麼「痰」都有，應有盡有！」阿君越說越興奮。
「哈哈哈哈……還……還有呢？」神棍笑得不行了。
「啊，還有「QQ痰」……」
「啊……哈哈哈，是不是哈，還有「方茄激蕩放」哈？」
阿君還不知道神棍在笑什麼「方茄激荡放」……
神棍見無聊於是就問阿君一道IQ題：「一個西瓜飛過嚟，之後個男人掂到就死咗喇，你估佢會係點死嘅呢？」
「梗係食西瓜食死咖喇！」阿君真係點都離唔開個「食」字。
大家都嚟估下，到底答案係咩？俾個貼士喇，答案係一個俗語。