0700出發，拍攝黄大仙故里。

今日不得了42度，熱死人，戴咗帽，用埋遮先得．．．熱死人了！

黄大仙的代表，陪足我地全程，我地都請埋佢食飯食埋飯到差不多三點多了。

距離黄大仙故里半個小時的諸葛八卦村，拍得個丞相祠堂同鍾池，天色都慢慢出月亮同變黑了。

呢晚住的地方係諸葛八卦村的一間外資起的度假村，呢個度假村依山而建，除咗有三層高的住房，亦都有一啲小屋，我地因為拍攝器材多，之前訂時已講好要最近出入口，同埋最好係地下的，結果，佢地竟然俾啲好遠的房，而且地下一樓的只得一間。

其他房間仲係要對住個娛樂室，一班阿叔阿嬸喺度唱山歌，噪到呢！於是李師傅同PA阿豪就有個非常絕的做法！聽佢地講返，第一首開始唱吻別初時班大陸人都有拍手打拍子，之後愈來愈唔妥，哈哈！佢地的走音神功，令嗰班人開始覺得賴野！再加埋一首超人迪加之後，啲人就俾佢地驚走晒！哈哈！TVB的團友終於可以靜下！