今日全日都在諸葛八卦村裡拍攝。

由於住的地方同食早餐的地方有點距離，所以今日係我第一次放棄食早餐，好在由香港帶過去的小食仲有存貨。

諸葛大姐繼續陪住我地拍攝，大公堂，古民居等等。

古民居入面，有一位孔明第四十八代傳人，同呢位老伯伯買咗好多佢親手寫的字，都係呢個村入面，其中一樣特別的紀念品。

下午lunch，拍攝一餐八卦菜﹣草船借箭，八卦餅，桃園結義，空城計，氣殺周瑜，周瑜殺黄蓋，行軍菜扣肉，個個名都係來自三國時代。拍完順便食埋。

諸葛後人，好多都係從事藥業，來到壽春堂，呢度係諸葛八卦村，當然買呢條村的茶療補健飲品﹣﹣八卦茶，適合任何人任何時候飲用的，買咗唔少做手信。

除此之外，呢度都註有中醫師，即時同人把把脈，我都有試，大部份同事，連年幾大過我的好多都話身體不錯，只有我好似最嚴重咁，呢位醫師又真係睇到我一啲野，而嗰啲徵狀正正中咗！自己知自己事，就試試呢度的茶療程。比同事們笑我．．．係咪要採陽補陰！大家爭住認頭！真係有心！多晒！

就喺差唔多離開呢度之際，我差啲以為自己部相機唔見咗，好在只係放咗喺第二個袋度，虛驚一場。

之後我地仲有拍「木牛流馬」，同埋呢度諸葛氏的宗譜。

拍完坐了兩個多小時車去杭州，呢程車中途經過一個金華的油站，其實每到油店，我地都會落車去洗手間同買啲野食野飲，喺金華當然買返少少金華火腿啦，價錢俾上海平。

今日呢程車，係暫時唯一一程車無睡覺因為同cam man傾足入程，講車（佢係專家），講佢啲仔女，俾另一crew成員話：不如做你契爺啦！

到步都差不多九點多，大家唯一的選擇就係KFC，好似呢個Trip我食咗三次了。