家姐生日快樂！

0730出發山塘街係一個水鄉的地方，有河道，河道旁就係民居，就好似秦淮河咁，但佢的規模比較細，而且相對嚟講仲有一份舊的感覺，咁樣比較好！

虎丘呢個地方，喺大學時的交流團都來過了，想不到第二次來，就係以工作的身份！千軍萬馬的人群，好可怕，啲咪大聲到震爆你隻耳！

寒山寺，法師請我地食咗一餐好豐富的齌菜，真的不錯！味道好好味！最特別就係最後的綠豆湯，可能係用咗薄荷葉，飲落去涼涼的，玩野的李師傅同剛剛返來坐位的Crew講笑：頭先有人用無比敵，唔小心滴咗落一碗，你地邊個飲到涼涼地嗰碗就係中咗！哈哈！

喺蘇州拍到六點幾七點，大件事，因為到蘭溪有四有幾公里，要四個幾小時。

坐咗四個幾鐘到蘭溪了！

P.S.>>>>

喺巴士上，導演同跟隊的製片在車尾位置講我地幾時再返蘇州，因前之前剛在靈隱寺同法師食飯時，我當住導演面前攞過行程表出嚟睇過係25日，佢又好鍾意隨口問我我地的行程，但係又唔信喎！真係好氣頂！

佢大大聲車尾叫出來：我地幾多號再返蘇州？

我回頭望回答：25號。

佢：真係？

我：係，25. 

佢：真係？你有無睇清楚？

我：（更加肯定＋大聲）係,25號，頭先係寺院法師面前先睇過。

佢：你攞張行程表出嚟睇啦！

（全車人都聽到我倆對話）

呢個時候，我真係慳返啖氣，攞個行程表出嚟。

行去車尾同佢講：我俾個行程表你，你自己睇，用完比返我！

佢仲要講：你攞出嚟睇一次咪得囉！

就算我攞出嚟睇多次，佢又可能會話「你無睇錯？真係？真係？」

俾人咁訓練EQ，真係勁！