雖然尋日過咗我的生日，不過今日仍然係我的生日，因為七月初七「七夕」係我舊曆生日。

不過天公不造美，早上我地原本打算拍明孝陵的，但係拍咗一個小時左右，天落大雨，嗰度無遮無擋，好在係我地租咗一架電動車，但係揸呢架車的人就正啦！跟本都唔洗開車，我地只係方器材同埋用嚟避雨用，喺等雨停的其間，為免佢過於得閒，我地叫佢揸車帶我地遊覽吓！

最後我地都放棄了，轉location去了孔子廟，一拍就到三點，大夥兒因為趕拍下一個地方，只係去咗M記食個快餐。

下午王謝故居，呢度之前男主持話可以，佢的內容可以拍到一集的，但係呢個問題我地之前survey已經好困惑，因為呢個地方實在細，結果男主持話而家比佢之前來時細咗好多，好多地方都拆咗，好在另一個拍攝地點，我地有料到，咁都唔洗怕！

晚上拍秦淮八絕的小食，因為呢間飯店本來係晚上八點半收工的，但係因為我地夜去，佢地的員工要加班，好顯不滿意！俾面色我地睇！其實除咗夜之外，亦都因為今日係七夕，七夕對佢地嚟講係一個大日子，等於二月十四情人節，街上見到好多人賣花，全部都係一對對的！

我同北京製片講，今日係我農曆生日，佢竟然喺步行街熱賣的一個賣會飛到好高好高的飛碟玩具，送俾我當係生日禮物！哈哈！我都唔知喺香港有無機會玩．．．不過真係好多謝佢！