0730出發。

皮膚出現異樣，痕癢得要死！大家都見到我手又損，腳又腫了．．．

去到午朝門發現，之前去survey的一個景點，竟然包起嚟維修，真大鑊！仲有一件搞笑事，一位著住網球短裙的女晨運客（大約四十幾五十歲），見到著住短裙的女主持，當我地準roll機之際，佢無聲無色走埋女主持旁邊，先望自己對腳，再望女主持對腳，好似想較量吓咁，笑到我地！此時cam man話：「至靚係你啦！公園皇后！」wakakaka.....之後佢仲要喺女主持身邊起舞．．．wakakaka.....

接住補拍明孝陵，10個人迫上一架７人的高爾夫球電動車，好似歡樂滿東華呀！拍呀拍！不過要入陵宮，就無得坐車，一定要行。而且仲喺呢個地方拍攝時，令我有啲「火」起，不斷叫自己cool down！呢個trip仲係一個訓練EQ的地方。

1630先食lunch，食完個快飯去靈谷寺，已經1700，人地1830關門，但拍得幾多就幾多。

估唔到呢間寺的大師，年幾不大，而且仲識得聽廣東話，佢原來曾經喺香港修練一段時間，真係太好了。拍完，天已黑。

2000先去dinner，同crew飲返兩杯，點解大家都會好驚訝我會飲啤酒呢？

今晚係最早一晚去訓，2500了。

P.S.>>>>

好多次我同導演講過，有咩要拍，有VO可以講，佢話：「呢啲唔洗啦！」，但係當camman同佢講時，又會話：「am．．．好啦拍埋。」