提唔起勁去留意所有中大學生報的新聞，因為太多報導，同埋我覺得真係好小事。

　所有人都知，香港傳媒不嬲每日都等人仆街，而咁唔好彩中大個班學生哥咁樣就仆左。

　最震憾的是，嗰班學生竟然有可能因為呢幾篇「情色版」坐監，我戥他們不值。

　佢地最錯o既地方係：份野做得好鬼差，有乜理由話開放談性，但以人獸交亂倫做主題？大佬呀！呢啲野邊講得架，咁無聊！你都唔會對住隻貓或狗，或同老媽子老豆做愛啦，係咪先？講完又無叉用，只係廢o翕，咁梗係俾人不斷放箭掟石鬧呢樣野啦！拿，依我之見，我就覺得可以講下叫雞一皇三后時點樣淫蕩，或者講下大學宿舍淫亂史，咁樣都叫做娛樂加上貼近現實啦，係咪？如果佢地有機會再辦，我好希望佢接納我意見，到時再被人裁定不雅，我發誓我會去聲援同埋抗議。

　如果講要罰，幾時會輪到呢班花o靚呀！你求叉其行過報紙檔，一眼就睇到全都都鹹濕標題，含吹奶啜，臭西夾腸等等，這些超下流的字眼，要幾露骨有幾露骨。但係這些報刋從來無乜「奶」過大野(我學以致用俾你地睇)，而且重長做長有，銷量相當穩定。今次，中大學生報做份同呢班廢柴報刋差唔多水準o既野，反而搞得個一兩期就被人判死刑，真係想頂爆「淫管局」個肺。

　事件到而家，重未搞掂，班學生就好鬼有風骨，死都撐住。而傳媒，blogger就係咁鬧佢地大學生淫穢，賤格，互相角力。在我眼中，鬧佢地淫穢，賤格的，一係就抽水，扮曬衛道，一係就人云亦云，為插而插。

　最後，中大學生會唔會趴街，係我最關注的。我認為，如果佢地要坐監，或被開除學籍，是一種可惜。他們開放性討論的理念完全無問題，只不過係佢地廢廢地，cannot get the job done only！所以，陶傑呢條契弟講得啱，佢地要為自己報刊的quality 道歉，而非purpose.