每週的星期一，對學生而言，這並非甚麼特別的日子，對打工仔而言，就是一個星期痛苦的開始。

　朝九晚五(大把人晚六晚七晚八甚至晚十二)的生活可能在學生眼中是個嚮往的國度，但若我告訴你，當你天天要對住口臭又樣衰的老闆、有臭孤諗住用香水掩飾點知因化學作用為了沙林毒氣的女同事，鬚根長過條賓州的男同事，你還會認為辦公室這麼美好嗎？內裡的人際關係、辦事要旨、刷鞋奶西，只要一不小心，你便會被整個密室的人放暗箭，射到你仆街，倒地不起。

　有些人成撚日同我講，你要俾心機返工，因為而家好多人爭工做。我好撚想問佢：「請問你老母係唔係成日教你，要同人講佢係一個女人？」亦有人同我講，你唔好成日呻返工辛苦啦，有工返已經好好架喇！我只好講句，頂你個肺塞你個胃，家陣講你又唔撚明，成日同我講太陽從東面升起的道理，你係咪當我低鳩能？定係你覺得講這些道理會好型好酷好巴屎閉，被人認同，讚美並且會寫封表揚信宣揚你這種如落雨要收衫的偉論？

　返工，有得賺錢，值得開心嗎？只要你發現那些是血汗錢，你唔會笑得出。天下人都為搵份人工高o既職位不斷計劃，但係後來先發現原來自己根本就蠢左。因為好多人懂得偷呃拐騙，走捷徑，賣身賣性器賣尊嚴賣埋命去搏升，根本唔駛好似你咁搞咁多野。而你原本以為讀名校，考碩士博士，有工作經驗，辦事能力等，是自己在職場上最大的籌碼，這時才發現，這些不是籌碼，而是《帝女花》的vcd現金券，人地都唔Q會睇。你當場打左個突，覺得這是人生最大的玩笑。

　試假設臨到四十，你真的僥倖地以名校學歷經驗能力被推薦晉升，成功坐到Department Head的位置，你又發現，那份薪金，有一半係用作被老闆屌或同僚插，另一半是用來諗計仔lum掂老闆和巴結同事。那麼超時工作、刷鞋交際應酬費用、精神創傷、性慾下降等還未支糧，這算怎樣？沒有怎樣，鬼叫你自己係要升職。

　熬了三四十年，以為可退休享清福，點知，你發覺時光飛逝，自己身體的疾病如供樓般一次性攤還或斬件分碟上，愛滋花瘤癌症為首期，糖尿高血壓風濕則分期付款，綿綿不絕。苦命打的江山一鋪清袋，你話，咁夠唔夠黑色幽默？





p.s. 昨晚和我傾電話的人，如果我發達，我一定盡力幫你搞掂筆數。但大前提係－我發左達。
　　一諗起錢，就真係吹漲。我唔重視錢，錢又偏偏對我重要，真係又一個人生最大的矛盾。
　　每逢聽見身邊朋友連食飯都要就住就住，心中便不免心酸起來，欲盡己所能助他們一臂之力，可是，自己都訓緊街，幫乜春？
　　各位，請相信知識可改變命運，我說的不單是經濟市場營銷翻譯等知識，亦包括刷鞋舐上司鞋底油腔滑調出賣屎忽的知識，這些在職場隨時大派用場，愈早識愈好。
　　如果再同我講：「你要俾心機返工呀，好多人爭你份工。」「你呻咩呀！有工返有錢賺有咩唔好？」「返工記住要虛心學習，唔怕蝕底啊！」我會反面。