今晚約左d舊同學番蔡記，原本約MICHELLE 7:15P.M 學校門口等既，但我差不多6點40P.M.先走，好趕呀，仲諗住一定遲啦，打定比MICHELLE叫佢自己入去，JORDY仲遲過我走，不過佢近過我，睇怕最遲都係佢喇，去到MICHELLE 都到左，JORDY都遲我一步，仲話鬥快 TIM，哈哈!!

上到去見番好多MISS & SIR ，好在佢地都仲認得我，好開心，同佢地傾得好開心，以前好鐘意既MISS LAW對孖仔已經5歲大喇，佢依然都KEEP得咁好，同咁FIT，真係勁呀!! 由中一睇住我大，直到中六中七比佢教既鄧SIR亦已為人父喇，有個幾個月大既女，時間真係過得好快，只係畢左業兩年，但好似好耐咁；仲有教左我三年既葉SIR，以前個個都叫佢肥葉，而家瘦左身，佢個樣不嬲都好後生，成個學生咁，而家瘦左仲似呀，我讀中二果年佢第一年黎教，不知不覺佢都教左十年喇，拎十年牌，真係時間飛逝，我問佢有冇女朋友TIM，佢仲話叫我介紹TIM，哈哈!! 過多幾年再番去可能又會有唔同喇，不過好多好有經驗既SIR都走左，佢地好代表到我地讀書時既時光，好懷念佢地呀~~ 希望將來有機會O係街見到佢地啦!!

之後我地就落左”魚米之尊”食飯，今晚好多人呀，爆哂，好在BOOK左，但就等左好耐先有菜上，可能太多人啦，唯有傾住等啦，個個都仲讀緊書，個個都上到UNI.，其實係咪好易上呢? 如果當初我同佢地揀同一條路，而家既我又會係點呢? 不過冇話後悔既，直到而家，我都仲未知自己想向邊行發展!! 我地一路食到十一點幾就走喇，今晚傾得好開心!!