2024-12-29 09:49:48Ｅｔｈａｎ～
２８／１２／２０２４
我同阿仔佢地就揀左今日慶祝下，當然都會有少許特別安排去行下啦~！！
今早阿仔就o黎接左我先，及後我地兩仔爺去我屋企附近食個晏先。。。
阿仔專登揀左間幾有日本風o既餐廳食野啦，同時我地都有影下相打卡啦~！！
我同阿仔主要係講下生活同人生問題，今次都有講下來年部份計劃啦~？！
暫時我地都有計劃下一d短線旅行啦，主要都係希望可以一齊去輕鬆下嚕～！！
畢竟人越大就越難有機會一齊出外聚下，所以都希望可以有下呢d計劃囉~！！
至於食完左個晏之後，我地就返去佢到接埋孫仔佢地一齊出西九影相嚕~！！
因為一齊慶祝聖誕節都係要出去行下打下卡，雖然時間好短但係都叫做夠喇~！！
一齊好好享受下節日o既感覺同氣氛，為我地呢一年留多一個開心回憶嚕～！！
之後就一齊折返佢屋企繼續下半部份，而呢個時間都係同君怡傾下計啦~！！
同佢都會講下工作及生活事宜呀，當然都係會陪下孫仔玩一陣兼食下野啦～！！
直至完埋個晚飯之後，阿仔就同我出去再私底下傾多陣計就正式散場喇~！！